Ved Høgskulen på Vestlandet (HVL) er det ledig ei mellombels stilling som førsteamanuensis/førstelektor/høgskulelektor i kroppsøving ved Fakultet for lærarutdanning, kultur og idrett.

Stillinga inngår i Institutt for idrett, kosthald og naturfag, campus Bergen og er ledig i tida 01.08.2025 - 31.07.2026.

Om stillinga:

Stillinga er knytt til kroppsøvings- og idrettsfagmiljøet for lærarutdanningane. Fagmiljøet er stort og dynamisk med eit rikt og mangfaldig forskarmiljø med pågåande prosjekt nasjonalt og internasjonalt, og med brei kompetanse innanfor kroppsøving. I tillegg til å bidra i dei femårige grunnskulelærarutdanningane, deltar fagmiljøet også i lærarutdanning i praktiske og estetiske fag for trinn 1-13 kroppsøving, barnhagelærarutdanningane samt etter- og vidareutdanningstilbod. Fagmiljøet er og aktivt deltakande i doktorgradsprogrammet «Danning og didaktiske praksisar».

Arbeidsstaden er Bergen

Ansvars- og arbeidsoppgåver:

Stillinga har følgjande ansvars- og arbeidsoppgåver:

Undervise, rettleie og utvikle studentaktive læringsformer i tråd med krav i studietilsynsforskrifta. Desse oppgåvene vil vere knytt til kroppsøving primært i 5-årig grunnskulelærarutdanning, og femårig lærarutdanning i praktiske og estetiske fag 1-13 Kroppsøving og idrettsfag.
Det kan bli aktuelt å undervise i andre studieprogram ved instituttet, internasjonale emne, samt etter- og vidareutdanning. Arbeidsoppgåver innan desentralisert kompetanseutvikling i skule og/eller kurs- og oppdragsverksemd er og aktuelt for stillinga.
Bidra i, og gjennomføre, oppgåver knytt til nasjonale og regionale oppdrag innan kroppsøvingsfaget.
Aktivt bruke digitale verktøy i arbeidskvardagen
Det kan bli aktuelt med noko reising i stillinga

Kvalifikasjonskrav:

Formell utdanning og kompetanse:

For tilsetjing som førsteamanuensis må søkar ha fullført doktorgrad i kroppsøving, kroppsøvingsdidaktikk eller tilsvarande.

For tilsetjing som førstelektor må søkar ha godkjent førstelektorkompetanse innan kroppsøving, kroppsøvingsdidaktikk eller tilsvarande.

For tilsetjing som høgskulelektor må søkar ha hovudfag/mastergrad innan kroppsøving, kroppsøvingsdidaktikk eller tilsvarande, med gode resultat, fortrinnsvis A eller B på masteroppgåva, og med relevans for stillingsprofilen.

Den som blir tilsett må vere personleg egna for stillinga, ha gode samarbeids- og formidlingsevner, evne til å arbeide sjølvstendig, ta initiativ og vere fleksibel. Høgt etisk medvit i møte med studentar er påkravd.

Undervisningsspråket er norsk og søkarar må meistre norsk eller eit anna skandinavisk språk.

Følgjande tel positivt i vurderinga:

Pedagogisk kompetanse og relevant erfaring frå grunnskule, vidaregåande opplæring eller høgare utdanning
Variert rettleiarerfaring i både teori og praksis
Erfaring frå relevante forskings- og utviklingsprosjekt i forhold stillingsprofilen

Aktuelle kandidatar blir innkalla til intervju.

Korleis søkje på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen, irekna:

Vitskaplege arbeida (inntil 5 stk.)
Fullstendig publikasjonsliste
Attestar og vitnemål.

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning.

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din.

Søkjarar kan ikkje sende søknadar på e-post til enkeltpersonar ved høgskulen.

Vi tilbyr:

Gode pensjons- og forsikringsordningar i Statens pensjonskasse
Spanande fagmiljø med moglegheit for kompetanseheving - og utvikling
Høve for trening i arbeidstida

Stillinga som førsteamanuensis / førstelektor / høgskulelektor er lønna etter Statens lønsregulativ, i stillingskode 1011 - Førsteamanuensis / 1198 - Førstelektor / 1008 - Høgskulelektor.

Frå løna vert det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktpersonar ved Høgskulen på Vestlandet er:

1) Assisterande instituttleiar, Merete Økland Sortland, mos@hvl.no, 53491428/90955465

2) Assisterande instituttleiar, Bernt Rydland Olsen, brol@hvl.no, 55585652

Inkludere, utfordre og samhandle

Les meir på våre heimesider.

Informasjonskapsler på arbeidsplassen.no

Rapporter annonse