Fitjar kommune søkjer etter landbruksrådgjevar

Fitjar kommune handsamar landbruks- og miljøsaker for Fitjar og Austevoll kommunar. Me vil frå årsskiftet ha tre tilsette som tek hand om landbruks-, vilt-, skog- og miljøoppgåver i dei to kommunane. I samband med at ein av dei tilsette ved landbrukskontoret har fått anna stilling i kommunen, søkjer me etter landbruksrådgjevar i 100% stilling.

Fast kontorstad for stillinga er Fitjar rådhus. Stillinga krev litt reising i dei to kommunane i samband med synfaringar og møte. Administrasjonsmålet er nynorsk.

Arbeidsoppgåver:

Handsaming av saker etter jordlova og konsesjonslova
Handsaming av søknadar om tilskotsordningar i landbruket, m.a. produksjonstilskot
Handsaming av søknadar om nydyrking og bakkeplanering
Markslagsvurderingar og føring av landbrukskartbasen AR5
Høyringsuttaler, spesielt knytt til byggje- og plansaker
Handsaming av miljø- og forureiningssaker og utsleppssøknadar
Rettleiing og kontakt med publikum og næringa
Fitjar kommune er ein liten organisasjon, og den som vert tilsett må rekna med å ta del i saker knytt til tilgrensande fagfelt. Me forsøker å fordela arbeidsoppgåvene mellom dei tilsette etter interesse og kvalifikasjonar.

Kvalifikasjonar for stillinga:

Relevant høgare utdanning, t.d. landbruksfag, natur- og miljøfag, jus eller liknande.
Kjennskap til aktuelt regelverk for landbruks- og miljøforvaltning er ein føremon.
Manglande utdanning kan i særskilte tilfelle kompenserast med relevant arbeidserfaring.
Erfaring med digitale kartverktøy er ein føremon.
Kjennskap til offentleg forvaltning er ein føremon.
Vilje og evne til å læra seg dei delane av faget du ikkje har kjennskap til frå før.
Gode samarbeids- og kommunikasjonsevner skriftleg og munnleg.
Førarkort i klasse B og eigen bil
Personlege eigenskapar som er naudsynte for stillinga vil verta vektlagde.

Me kan tilby:

Spennande og meiningsfylte arbeidsoppgåver innanfor eit viktig samfunnsområde.
Godt arbeidsmiljø med engasjerte medarbeidarar.
God offentleg pensjonsordning.
Stilling i ei inkluderande arbeidslivsverksemd (IA-verksemd).

Dersom søkjar ynskjer å verta unnateke frå offentleg søkjarliste, lyt det spesifiserast i søknaden og grunngjevast. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

For nærare informasjon om stillinga, ta kontakt med etatssjef for Samfunnsutvikling og drift, Louise Pettersen, tlf. 415 77 063.

Informasjonskapsler på arbeidsplassen.no

Rapporter annonse