Om stillinga

Det er ledig ei fast stilling som taleskrivar og kommunikasjonsrådgjevar i Kommunikasjonsseksjonen ved Statsministerens kontor. Me søkjer deg som skriv drivande gode talar på norsk og engelsk. Du vil hovudsakeleg skrive talar og andre tekstar, men vil også vere kommunikasjonsrådgjevar som løyser seksjonens mange andre oppgåver. Du trivst på reisefot og med høgt tempo, og er glad i å jobbe med andre.

Som medarbeidar i Kommunikasjonsseksjonen ved Statsministerens kontor blir du del av eit lag med sju erfarne kollegaer som blir leia av kommunikasjonssjefen.

Arbeidsoppgåvene i seksjonen er mellom anna å gje råd og leggje til rette for statsministerens og kontorets mediekontakt og krisekommunikasjon, skrive talar og planleggje reiser og ulike aktivitetar. Me jobbar for å nå ut til publikum med relevant og viktig informasjon via regjeringa.no og sosiale medium. Me samarbeider tett med politikarane, departementa og andre aktørar i kommunikasjonsarbeidet.

Kvalifikasjonar og personlege eigenskapar

Kvalifikasjonar:

Du må

ha relevant høgare utdanning, med fullført grad på bachelorgradnivå. Relevant erfaring kan i visse høve kompensere for kravet til utdanning
ha interesse og god forståing for politikk og samfunnsliv
ha erfaring frå relevant kommunikasjonsarbeid, taleskriving, journalistisk arbeid eller bokskriving
raskt kunne sette deg inn i nye fagfelt, og kunne forklare kompliserte tema på ein enkel måte
kunne formulere deg godt, både munnleg og skriftleg, på bokmål, nynorsk og engelsk i ulike sjangrar
ha god kunnskap om offentleg sektor og politikk i inn- og utland

Personlege eigenskapar:

Me søkjer ein person som er imøtekomande, løysingsorientert og som samarbeider godt. Du er kunnskapsrik, og kan sjå samanhengar mellom ulike sektorar og fagfelt. Stillinga krev at du har god rolleforståing, analytiske evner, god vurderingsevne og forstår politiske prosessar. Du tar initiativ, jobbar sjølvstendig og er strukturert, og kan kaste deg rundt når det trengs. Du har stor arbeidskapasitet, set deg raskt inn i ulike saker og trivst med eit høgt arbeidstempo. Du er fleksibel, og ikkje redd for å ta på deg nye oppgåver.

Vi tilbyr

Stillinga har stillingskode 1364 seniorrådgjevar. Lønn blir fastsett individuelt og vil liggje i spennet frå 700 000 til 1 000 000 kroner brutto og med godtgjering for overtidsarbeid. For særleg kvalifiserte kandidatar kan høgare lønn vere aktuelt. Du må rekne med reiseverksemd, og morgon-, kvelds- og helgearbeid.

Den som blir tilsett må kunne sikkerheitsklarerast for STRENGT HEMMELEG.

Søknadsfrist: Fredag 31. januar

Nærare opplysningar om stillinga kan du få ved å kontakte kommunikasjonssjef Anne Kristin Hjukse, tlf. 99 21 46 10 eller avdelingsdirektør Åsta Skre, tlf. 22 24 40 22.

Generell informasjon

Statlege arbeidsplassar skal spegle mangfaldet i samfunnet og gjere nytte av kompetansen til den enkelte. Me oppfordrar difor kvalifiserte kandidatar til å søkje, uavhengig av til dømes alder, kjønn, nasjonal eller etnisk bakgrunn. Me vil gjerne ha søknad frå deg som har stått utanfor arbeid eller utdanning i ein periode og som fyller kvalifikasjonskrava til stillinga. Les meir om krava på Arbeidsgiverportalen.

Me oppfordrar alle som søkjer til å laste opp vitnemål frå Vitnemålsportalen og leggje ved søknaden, saman med kopi av relevante attestar.

Informasjonskapsler på arbeidsplassen.no

Rapporter annonse