Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

. Video: https://youtu.be/vtJLmcUJ3-w

Om stillingane:

Er du lidenskapeleg opptatt av å nytte kunstig intelligens til å revolusjonere handtering av forskingsdata? Bli med oss for å styrkje forskarar med innovative, KI-drivne verktøy og IT-tenester for å bidra til ny vitskapleg innsikt.

Handtering og prosessering av forskingsdata har dei siste åra blitt eit stadig viktigare område for forsking og kunnskapsutvikling. Kunstig intelligens (KI) spelar ei avgjerande rolle i forsking, då det opnar opp for nye moglegheiter innan dataanalyse og kunnskapsgenerering. Korrekt handtering av forskingsdata og bruk av KI er essensielt for å løyse relevante utfordringar i samfunnet i Noreg, Norden og verda.

Ved IT-avdelinga, innan produktområdet for forskingstenester, utlyser vi no to faste stillingar (avdelingsingeniør/overingeniør/senioringeniør). Desse stillingane vil hjelpe oss med å utvikle og drive målretta tenester til forskarar for å nå dette formålet. Vi ser etter to dyktige personar som er lagspelarar, som trivst i vårt internasjonale team, og som samhandlar tverrfagleg med både tilsette ved ITA-avdelinga og forskarar ved UiB.

Om IT-avdelinga ved Universitetet i Bergen:
IT-avdelinga ved UiB er eit av dei største IT-miljøa på Vestlandet. Avdelinga ynskjer å vere digitalt leiande og leverer eit breitt spekter av IT-tenester innan utvikling, drift, forvaltning og brukarstøtte. Vi er ein kunnskapsrik og engasjert organisasjon med deltaking i spennande aktivitetar innanfor heile UiB si verksemd og med brei kontakt med brukarane ved universitetet. Vi har eit stort mangfald av teknologiar, kompetanse og nasjonalitetar.

IT-avdelinga har om lag 130 tilsette, i tillegg til lærlingar og deltidstilsette studentar. Avdelinga har ei produktbasert tilnærming til alle leveransar. Den jobben har starta, og vi inviterer til å ta del i den vidare utviklinga. Sjå meir om IT-avdelinga her: Om-it-avdelingen-ved-uib: https://www.uib.no/it/155335/om-it-avdelingen-ved-uib

Arbeidsoppgåver:

Saman med forskarar bygge og tilpasse IT produkt og tenester for forsking.
Deltaking i prosjekter i e-infrastruktur lokalt, nasjonalt og internasjonalt for behandling av forskingsdata.
Utvikling og automatisering av drift, tenester og produkt.
Relevant brukarstøtte og brukaropplæring.
Dokumentasjon av produkt, teneste og rutinar.
Bidra til å vidareutvikle produktområda ved seksjonen og andre fagmiljø ved IT-avdelinga.

Kvalifikasjonar og eigenskapar:

Du må ha enten:
- Erfaring med behandling av vitskapelege data som inneber kunnskap om FAIR prinsippa og erfaring i bruk av verktøy eller prosedyrar, eller
- God kunnskap om moderne KI-metodar (nevrale nettverk) og praktisk erfaring i deira bruk, samt kompetanse i bruk av KI-verktøy basert på store språkmodellar
Erfaring med KI/ML-rammeverk (t.d. TensorFlow, PyTorch eller scikit-learn) er ønskeleg.
God teknisk forståing av både applikasjonsutviklingsprosessar og rammeverk
Kompetanse innan programmering med Python, eventuelt R, Rust eller Go
Erfaring med system for versjonskontroll, som Git, GitHub og GitLab
DevOps interesse og kompetanse
Erfaring med utvikling av tenester som køyrast i Kubernetes er ønskeleg
Sjølvstendig, strukturert og kan arbeide i team
Likar å jobbe med ny teknologi og tileigne deg ny kunnskap
Interesse for brukarinteraksjon
Du kommuniserer godt munnleg og skriftleg på norsk og engelsk. For spesielt kvalifiserte søkjarar kan det bli aktuelt med berre engelsk. I så fall blir det obligatorisk å gjennomføre og bestå norskkurs nivå to innan to år
Vi vil vektlegge personlege eigenskapar som gjer søkjarane skikka til stillinga
For avdelings- eller overingeniør må du ha minst bachelorgrad eller ingeniørutdanning frå universitetet eller høgskule, eller tilsvarande kvalifikasjonar oppnådd ved relevant praksis og tilstrekkeleg etter- og vidareutdanning
For senioringeniør er kravet mastergrad innanfor relevant fagområde, eller tilsvarande kvalifikasjonar oppnådd ved relevant praksis og tilstrekkeleg etter -og vidareutdanning

Vi tilbyr:

Eit godt og fagleg utfordrande arbeidsmiljø
Ein kunnskapsrik og engasjert organisasjon med deltaking i mange spennande aktivitetar
Moglegheit for vidareutvikling og kompetanseheving
Stilling som avdelingsingeniør (kode 1085) kr 570 000 – 690 000, overingeniørar (kode 1087) kr 604 900 – 760 000 eller senioringeniør (kode 1181) 657 300 - 790 000 avhengig av kvalifikasjonar. For spesielt kvalifiserte søkarar kan det verte aktuelt med høgare løn
Medlemsskap i Statens pensjonskasse
Moglegheit for avtale om delvis heimekontor
Fleksitid og gode velferdsordningar

Generell informasjon:

Utfyllande opplysningar om stillinga kan ein få ved å vende seg til: produktlinjeleiar Thomas Röblitz (thomas.roblitz@uib.no, mobil 414 10 799) eller produktområdeleiar Alexander Oltu (alexander.oltu@uib.no, mobil 468 19 137).

Dei som blir tilsett kan få andre arbeidsoppgåver innan avdelinga sine arbeidsområde.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll og regelverket kan komme til anvending ved behandling av søknader til stillinga.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Informasjonskapsler på arbeidsplassen.no

Rapporter annonse