Vi har ledig stilling som sokneprest i Vesthordland prosti, med Fjell sokn som tenestestad. Vi ser etter deg som ynskjer å være ein pastoral og samlande leiar for kyrkjelyden vår.

Fjell sokn ligg på Sotra, i Øygarden kommune. Folketalet i kommunen var 40 000 ved inngangen til 2025, og av desse var 28 595 medlemmar i Den norske kyrkja. Fjell kyrkje er ei nyrenovert langskipskyrkja i tre frå 1874. I 2024 var det 64 gudstenester, 37 gravferder, 8 vigslar, 79 konfirmantar og 73 døypte i Fjell sokn. Grunna restaureringa var kyrkja stengd deler av året.

Øygarden har 5 sokn med til saman 8 kyrkjer. Vi er 5 sokneprestar, to prostiprestar og prost som gjer teneste i kyrkjelydane i Øygarden.

Kyrkjelyden sin visjon er «Ei kyrkje for alle». Kyrkjelyden ynskjer at det skal skapast varierte gudstenester der alle generasjonar kan kjenne det meiningsfullt og godt å vere med. Vi har gudsteneste kvar søndag, og kyrkjelyden har eit breitt engasjement med søndagsskule, kor- og klubbaktivitetar for barn og ungdom, skule/barnehage-samarbeid, misjonsengasjement og eit rikt musikkliv. Onsdag er kyrkjedag i Fjell med open kyrkje på dagtid og ulike kveldsarrangement som retreatkveld, foredrag, og musikk-/songkveldar.

Soknepresten blir del av ein stor og kompetent stab i kyrkje i Øygarden med eige sokneteam for dei som primært gjer teneste i Fjell. Øygarden kyrkjelege fellesråd har 50 tilsette med kontor på Straume, på Rong og i nokre av kyrkjene. Soknepresten i Fjell har kontor i Fjell kyrkje. Diakoni og arbeid blant barn og unge, er blant fellesrådet sin satsingar.

Meir informasjon finn du på: www.kyrkja.no/oygarden

Vesthordland prosti dekker kommunane Askøy og Øygarden, med til saman 10 sokn og 13 kyrkjer. I prostiet er det 9 sokneprestar, 3 prostiprestar og prost.

Vi ber om at søknad med CV, vitnemål og referansar vert sendt elektronisk via Webcruiter.

Arbeidsoppgåver

Gudstenester og kyrkjelege handlingar etter oppsett plan
Formidle evangeliet til ulike aldergrupper
Konfirmantarbeid
Følgje ulike prosjekt frå ide til gjennomføring
Samarbeid med stab og frivillige omkring alle sider av kyrkjelyden sitt arbeid
Rekruttering og oppfølging av frivillige
Stillinga inngår i Den norske kyrkja si ordning for beredskap

Kvalifikasjonar

Cand.theol. med praktikum eller tilsvarande master i teologi med praktikum
Medlemskap i Den norske kyrkja

Personlege eigenskapar

Interesse og engasjement for heile bredda av kyrkjelydsarbeidet
Kommuniserer godt til folk i alle aldrar
Vere ein tydeleg pastoral og samlande leiar for kyrkjelyden gjennom fokus på gudstenesta
Evne og vilje til samarbeid

Vi tilbyr

Stillingskode 1555 sokneprest etter KA sitt tariffområde
Pensjonsordning hos KLP
Reiseutgifter godtgjort etter gjeldande regulativ
Til løna kjem særskilde regulativmessige godtgjersler
Arbeidsrettleiing (ABV)

Andre opplysningar

Skriftspråket er nynorsk.

Søkjar må ha førerkort og disponere bil.

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar til å søke.

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20.

Kontaktinformasjon

Jan Tommy Fosse, prost i Vesthordland, 92463278
Therese Nesse Mokkelbost, HR-sjef i Bjørgvin bispedøme, 93612276

Arbeidssted

Kyrkjehaugen 2
5357 Fjell

Nøkkelinformasjon:

Arbeidsgiver: Den norske kirke

Referansenr.: 5024384498
Stillingsprosent: 100%
Fast
Søknadsfrist: 09.11.2025

Vi bruker cookies

Rapporter annonse