Rådgjevar/førstekonsulent

Om stillinga

Vil du bidra i politiet sitt viktige arbeid på forvaltningsområdet? Vi har no ledig ei fast stilling som rådgjevar/førstekonsulent i Møre og Romsdal politidistrikt.

I denne stillinga er hovedoppgåvene innanfor pass og ID-kort og saksbehandling av søknadar om køyresetlar, men også andre arbeidsoppgåver innan forvaltningsområde må påreknas. Gjennom forvaltningssporet vil du bidra inn i politiet sitt viktige arbeid med å førebyggje kriminalitet. 

Seksjon for forvaltning tilhøyrer felles eining for utlending, forvaltning og sivil rettspleie. Seksjonen har ansvaret for forvaltningsområda til politiet, mellom anna innan våpen, førarkort, køyresetlar, vedtakslinje pass/id-kort, vaktverksemd, brukthandel og hundesaker.

Seksjonen har ansatte med variert bakgrunn, utdanning, erfaring og alder. Vi held til både på Kristiansund politistasjon og Hustadvika politistasjon. Oppmøtestad for denne stillinga er i Kristiansund.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken. Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Vi ser frem til å høyre fra deg!

Dette ser vi etter hos ein ny medarbeidar

Vi ser etter motiverte personar med interesse for forvaltning, lover og reglar. Du må raskt kunne setje deg inn i nye problemstillingar. Vi stiller høge krav til fagleg kompetanse, motivasjon, arbeidsmoral og etisk integritet.

Vidare søkjer vi medarbeidarar som opptrer profesjonelt til ei kvar tid og fungerer som gode ambassadørar for politiet gjennom sitt daglege arbeidet. Du er effektiv samtidig som du har evna til å vere trygg, nærverande, lydhøyr og med evne til å byggje tillit til publikum. 

I vår vurdering av kandidatar er mellom anna dette noko vi vil leggje vekt på i tillegg til evna til å bidra til eit inkluderande og respektfullt arbeidsmiljø.

Arbeidsoppgåver

• saksbehandle pass- og ID-kortsaker i vedtakslinja – andrelinje for saksbehandlinga
• vere rådgjevar for saksbehandlarar i kontrollinja – førstelinje i saksbehandlinga
• saksbehandle tilskrivingssaker
• førehandsvarsle ved mogeleg passnekting og tilbakekall
• saksbehandle søknader om køyresetlar
• rettleie publikum
• ha fokus på førebygging gjennom forvalting
• halde seg oppdatert på gjeldande lover, forskrifter og rundskriv innan eige fagområde
• legga til rette for kunnskapsbasert erfaringslæring og bidra til kompetansedeling innan forvaltningsområdet 
• eksterne foredrag og/eller rettleiing av samarbeidspartnarar
• saksbehandling innan andre forvaltningsgjeremål må påregnast

Kvalifikasjonar

Dette må du ha for å vere kvalifisert:

• relevant utdanning frå høgskule/universitet på bachelornivå (fortrinnsvis innan juss, samfunnsvitenskap, administrasjon eller liknande). Relevant praksis kan kompensere for kravet om utdanning.
• gode skriftlege og munnlege kommunikasjonsevner på norsk, samt gode ferdigheiter i engelsk
• kjennskap til norsk offentleg forvaltning og saksbehandling
• god digital kompetanse og evne til å setje deg raskt inn i nye system

Det er også ønskjeleg med

• erfaring frå arbeid i vedtakslinje og / eller kontrollinje for pass og ID-kort
• erfaring frå arbeid med forvaltningsoppgåvene til politiet 
• relevant arbeidserfaring frå norsk offentleg forvaltning og saksbehandling 
• god kjennskap til saksbehandlingssystema i politiet og til politiets registera
• evne til å setje seg raskt inn i regelverk og bruke det korrekt

Du må ha plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politiloven § 18 og politiregisterloven § 41. 

Utdanning frå utlandet må vere godkjent av Nasjonalt organ for kvalitet i utdanning (NOKUT) eller Direktoratet for høyere utdanning og kompetanse. Søknader som ikkje har vedlagt slik godkjenning vil ikkje bli behandla.

Personlege eigenskapar

 

• kan ta sjølvstendige vurderingar og vise initiativ
• har stor arbeidskapasitet med evne til å jobbe effektivt og strukturert
• har gode samarbeidsevner
• er motivert og positiv, med evne til å bidra til eit godt fag- og arbeidsmiljø

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her.

Personlege eigenskapar og motivasjon for stillinga vil bli tillagt stor vekt.

Dette kan vi tilby om du vel oss

• ei utfordrande og meiningsfull stilling for deg som vil bidra inn i politiet sitt viktige samfunnsoppdrag
• stillinga vert lønna som høvesvis rådgjevar (stillingskode 1434) med årslønn frå kr. 600 000,- til 735 000,-, eller førstekonsulent (stillingskode 1408) med årslønn frå kr. 510 000,- til kr. 620 000,-
• endeleg plassering i stillingskode og lønn er avhengig av kompetanse og kvalifikasjonar.
• medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no 
• feksibel arbeidstid
• moglegheit for trening i arbeidstida
• tilknyting til bedriftshelsetjeneste og fordelar ved å tilhøyre ei IA-bedrift

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her. 

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc

Slik søkjer du

Du søkjer ved å fylle ut CV i Jobbnorge sitt CV-skjema og skrive eit kort søknadsbrev. I tillegg må du leggje ved relevante vitnemål og attestar. Relevante kandidatar vil bli kalla inn til intervju.

Opplysningar om deg kan bli offentleggjorde sjølv om du har bede om ikkje å bli ført opp på søkjarlista. Dersom oppmodinga ikkje blir teken til følgje, vil du bli varsla om dette.