Vil du vere med å utvikle og løfte Nordfjordkommunane sitt digitale tenestetilbod? 

Nordfjordnett har ledig stilling som teamleiar for Brukarstøtte med tilsetting så snart som mogleg. På eininga for Brukarstøtte møtast teknologi og kundeservice for kommuane våre. Eininga er ei av tre einingar på driftssenteret som er plassert i Deknepollen i Kinn kommune.  

Kommunane Bremanger, Gloppen, Kinn, Stad og Stryn samarbeider om utvikling og drift av digitale tenester for tilsette og innbyggjarar i kommunane våre. Samarbeidet omfattar driftseininga Nordfjordnett som er lokalisert i Måløy og strategisk eining IKT Nordfjord som er lokalisert på Nordfjordeid. Samarbeidet er organisert som eit oppgåvefellesskap med eige styre og representantskap. 

Vi søkjer ein sjølvstendig, kunnskapsrik, engasjert og omgjengeleg person som skal bidra til at innbyggarar og tilsette får betre digitale løysingar. Du bør ha leiarerfaring og evne å inspirere medarbeidarane gjennom å vere målbevisst, løysingsorientert og gjennom å yte god kundeservice. Du må ha gode kommunikasjonsevner der det å beherske norsk og engelsk, både skriftleg og munnleg er viktig.  

Som teamleiar på Brukarstøtte jobbar du i ei avdeling med 5 tilsette og 1-2 lærlingar. Du jobbar også tett saman med dagleg leiar/assisterande dagleg leiar, CISO, teamleiar Infrastruktur og teamleiar for Server og Applikasjon. Som teamleiar for Brukarstøtte skal du også jobbe tett med - og ut mot - våre eigarkommunar. 
Førstelina til Brukarstøtte yt kundeservice og support til kommunane knytt til mellom anna teknisk drift av IKT-utstyr og lokal brukarstøtte med fjernstyring.

I rolla som teamleiar for Brukarstøtte skal du ha ei tett oppfølging av dei tilsette i eininga og eit direkte operativt ansvar ut mot kommunane. Overordna personalansvar ligg hos dagleg leiar, men som teamleiar har du eit medansvar for den daglege oppfølginga av dei tilsette i eininga.

 

Stillinga er lokalisert i Måløy saman med driftseininga. Oppmøte- og kontorstad er i Deknepollen.  Kinn kommune vil ha det formelle arbeidsgjevaransvaret.   

Arbeidsoppgåver

• Dagleg oppfølging og utvikling av tilsette og lærlingar  
• Motivere og skape engasjement for gode digitale brukaropplevingar 
• Vedlikehalde og forbetre metode og verktøy for å levere profesjonell brukarstøtte 
• Sakshandtering og saksovervaking. Sikre at henvendingar blir teke hand om i samsvar med gjeldande ITIL-prosessar og SLA  
• Leie og vidareutvikle Incident-prosessen, samt identifisere, klassifisere og prioritere hendingar 
• Sikre kvalitet og leveransar i samsvar med gjeldande Tenesteavtale 
• Sørge for rett opplæring, dokumentasjon, trening og oppfølging av medarbeidarar i verktøy og prosessar du er ansvarleg for
• Sikre god ressursplanlegging og  -styring
  
• Svare på kundeførespurnader som ein del av dagleg support ut mot kommunane 
• Vere aktiv dialog med andre avdelingar i verksemda for å sikre kontinuerleg utvikling, effektivitet og fornøgde kundar 
• Gjennomføre statusmøter med kommunane våre 
• Leie den faglege utviklinga av sakssystemet PureService
• Rapportering - driftsrapportar, saksløysing, telefoni, SLA 
• Vere ein del av beredskapsteamet (Critical Incident Manager) og digitaliseringsteamet til IKT Nordfjord 

Kvalifikasjonar

• Høgare relevant utdanning på bachelornivå. Særleg relevant erfaring kan kompensere for kravet til utdanning 
• God kjennskap til tenesteytande verksemd på IT området, samt erfaring frå service- eller brukarstøttemiljø 
• Operativ leiarerfaring med resultatansvar og kunne vise til gode resultat 
• Kompetanse og operativ erfaring med sentrale ITIL-prosessar 
• Gode norsk- og engelskferdigheiter, både skriftleg og munnleg 
• Førarkort klasse B 

Personlege eigenskapar

• Du er ansvarsbevisst med fokus på sikkerheit og kvalitet 
• Du er omgjengeleg, har godt humør og er serviceinnstilt 
• Du har gode samarbeids- og kommunikasjonsevner og du ser samanheng mellom brukarbehov og IT-løysingar 
• Du jobbar godt i team, men også sjølvstendig 
• Du er ein tydeleg teamleiar som skapar engasjement og motivasjon om arbeidsoppgåvene 
• Du er omstillingsdyktig og endringsorientert 
• Du er service- og brukarorientert 

Vi tilbyr

• Løn etter avtale 
• Interessante og utfordrande arbeidsoppgåver i ei verksemd med høg aktivitet 
• Intern opplæring og moglegheit for kompetanseheving gjennom deltaking på kurs og liknande
• Engasjerte kollegaer og eit godt fagmiljø 
• Eit godt arbeidsmiljø som legg vekt på personleg utvikling, sjølvstende og trivsel 
• Gode pensjons- og forsikringsordningar 

Kontaktinformasjon

Willy Nordpoll, Dagleg leiar IKT Nordfjord, +47 975 19 520
Anne Ruth Botn Bjørlo, Assisterande dagleg leiar IKT Nordfjord, +47 918 09 077

Nøkkelinformasjon:

Arbeidsgivar: Kinn kommune

Referansenr.: 4945981385
Stillingsprosent: 100%
Fast
Søknadsfrist: 30.04.2025