Juristar energi- og vassdragsrett

Om stillinga 

I Energi- og vassressursavdelinga er det ledig to faste stillingar som førstekonsulent, rådgjevar eller seniorrådgjevar (jurist) i Seksjon for energi- og vassdragsrett (EVR).

Som jurist i EVR kan du rekne med varierte oppgåver med rettslege spørsmål innanfor heile energi- og vassdragsområdet, ofte i tett og tverrfagleg samarbeid med andre seksjonar. Oppgåvene omfattar juridisk utgreiing i samband med høyringssaker og lovarbeid innanfor Energi- og vassresursavdelinga sitt verkeområde. For ei av stillingane kan det bli knytt eit særskilt ansvar for juridiske spørsmål innanfor sikkerheit og kraftforsyningsberedskap.

Oppgåvene omfattar juridisk arbeid med sentrale delar av lovverket om fornybar energi og forvaltninga av vassdrag i Noreg. Det omfattar regelutvikling knytt til vannfallrettighetsloven, vassdragsreguleringsloven, vannressursloven, energiloven, naturgassloven, havenergilova og relevant EØS-regelverk. I tillegg vil du få oppgåver med å handsame saker om erverv av rettar til vassfall og i selskap som eig vassfall.

Som ein del av embetsverket vil du arbeide med å legge eit godt fagleg grunnlag for politiske vedtak innanfor energi- og vassressursområdet. Du vil få oppgåver som ofte ligg tett på dei politiske prosessane i departementet eller inneber kontakt med andre departement og etatar.

Kvalifikasjonar

Det krevst juridisk embetseksamen eller master i rettsvitskap, med godt resultat. Du må vere samarbeidsorientert, ha gode analytiske eigenskapar, god rolleforståing og evne til å tenke heilskapleg. Stillingane krev tett og tverrfagleg samarbeid med andre seksjonar i departementet, og personlege eigenskapar vil bli lagt vekt på. 

Vi vil elles legge vekt på at du er sjølvstendig, fagleg interessert og at du har gode evner til munnleg og skriftleg framstilling på norsk og engelsk. Relevant røynsle frå offentleg eller privat verksemd innanfor saksfeltet eller tilgrensande område er ein fordel. Kjennskap til EØS-rettsleg arbeid er òg ein fordel.

Nyutdanna kan òg søke. For ein av stillingane vil det være behov for sikkerheitsklarering på nivå hemmeleg.

Vi tilbyr

• Interessante og utfordrande oppgåver i eit tverrfagleg og triveleg arbeidsmiljø.
• Spennande saker i kryssingsfeltet mellom fag og politikk, og med gode høve til å påverke korleis oppgåvene blir løyst.
• Moglegheit til å opparbeide god innsikt og særs relevant røynsle innanfor energi- og vassdragsretten.
• Fleksibel arbeidstid, lønna overtid og god pensjonsordning
• Mulighet for trening i arbeidstiden
• Årslønn innanfor lønnsspennet frå kr. 510 000 til kr. 775 000. For særleg kvalifiserte søkarar kan høgare lønn vurderast.

Kontaktpersoner

Ved spørsmål kan du kontakte avdelingsdirektør Olav Boge (telefon 22 24 63 83 eller mobil 936 14 674) eller fagsjef Hege Smith Heiberg (mobil 95 14 31 45).

Dersom du har problem med utfylling av elektronisk CV, kan du kontakte kundeservice hos Jobbnorge på e-post: kundeservice@jobbnorge.no eller på telefon: 75 54 22 27.

Generell informasjon

Positiv særbehandling

Dersom det er kvalifiserte søkarar med funksjonsnedsetting, hol i CV-en eller innvandrarbakgrunn, skal vi innkalle minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må søkarane oppfylle visse krav. Les meir om krava på  Arbeidsgiverportalen.

Vi oppmodar søkarane til å krysse av i jobbportalen om dei har funksjonsnedsetting, hol i CV-en eller innvandrarbakgrunn. Avkrysningane i jobbsøkerportalen dannar grunnlag for anonymisert statistikk som alle statlege verksemder rapporterer i årsrapportar.

Mangfoldserklæring 

Vi meiner at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å bidra til enda betre oppgåveløysing. Vi leggje til rette for medarbeidarar som har behov for det. Aktuell tilrettelegging kan for eksempel være tekniske hjelpemiddel, tilpassing av møblar eller endring av rutinar, arbeidsoppgåver og arbeidstid.

Den som tilsettes må kunne autoriseres for behandling av informasjon gradert BEGRENSET eller høyere etter sikkerhetsloven.