Er du farmasøyt og har lyst til å bli vår nye kollega?

Sjukehusapoteka Vest HF er eit av fem sjølvstendige helseføretak eigd av Helse Vest RHF. Sjukehusapoteka er del av spesialisthelsetenesta og skal sørgje for at sjukehus og pasientar i Rogaland og Vestland vert sikra legemiddel og høg farmasøytisk kompetanse og tenester.

På sjukehusapoteket i Haugesund er vi ein fin miks av apotekteknikarar, farmasøytar og nokre sjukepleiarar. Hos oss får du rundt 40 kjekke og dyktige kollegaer fordelt på fem avdelingar: produksjonsavdeling, publikumsapotek, sjukehusekspedisjon, avdeling for farmasøytiske tenester, og avdeling for eindose.

I produksjonsavdelinga lagar vi spesialtilpassa legemiddel til pasientar, i sjukehusekspedisjon sørger vi for at alle avdelingane på sjukehusa i Helse Fonna får legemidla dei treng, i publikumsutsalet gir vi råd og vegleiing om legemiddelbruk, og besøkande kan kjøpe legemiddel på eller utan resept. I avdeling for farmasøytisk rådgjeving hjelp vi legar, sjukepleiar og anna helsepersonell med trygg og riktig bruk av legemiddel. I avdeling for eindose, som framleis er i oppstartsfasen, skal vi pakke enkle legemiddel i kvar si pose før vi sender dei ut til alle sjukehusa på Vestlandet.

No ser vi etter deg som vil forsterke det gode laget vårt ytterlegare. Som farmasøyt hos oss bidrar du kvar arbeidsdag til at pasientar får legemidla dei treng og brukar dei på rett måte. Alle avdelingane samarbeider tett, og du får sjansen til, og må forvente, å arbeide i fleire av dei. 

Sjukehusapoteket leverer tenester og legemiddel i heile nedslagsområdet til Helse Fonna, så vi er fleksible med tanke på å leggje til rette for å kombinere arbeid i Haugesund med andre stader.

Vi ser fram til å høyre frå deg – og ta gjerne kontakt om du lurer på noko!

 

Arbeidsoppgåver

Arbeidsoppgåvene vil variere etter kva avdeling ein jobbar i, det kan vere mellom anna:

• kundeservice, medisinstart, vaksinering og veiledning av kunder og pasienter 
• klinisk arbeid på post, til dømes legemiddelsamstemming, legemiddelgjennomgang, undervisning og pasientsamtalar
• vareflyt, logistikk og rettleiing av helsepersonell
• produksjon og kontroll av cytostatika og andre tilsetningsprodukt
• produksjon og kontroll av eindosepakka legemidlar
• å delta i beredskapsvaktordning kan også vere aktuelt

Andre oppgåver kan også tilfalle stillinga ved behov.

Kvalifikasjonar

• Du har norsk autorisasjon som farmasøyt.
• Du har gjerne relevant arbeidserfaring, men vi vil og treffe deg som er nyutdanna.
• Du har gode norskkunnskapar, både skriftleg og munnleg.
• Du har gode IKT-kunnskapar.

Personlege eigenskapar

• Vi ser etter deg som ansvarsfull, tilpassar deg ulike oppgåver og arbeider nøyaktig med stor merksemd på kvalitet.
• Du trivst i eit hektisk miljø og handterer travle periodar godt.
• Du set pris på å bygge gode relasjonar og samarbeid på tvers av fagområda, samtidig som du arbeider sjølvstendig og bidreg til eit godt arbeidsmiljø.
• I tillegg har du interesse for å bruke digitale verktøy i det daglege arbeidet.
• Det vil bli lagt vekt på å vera personleg eigna for stillinga.

Vi tilbyr

• Stilling i eit stort og inspirerande farmasifagleg miljø med fokus på kvalitet og kompetanse.
• Høve til fagleg og personleg utvikling, og naudsynt opplæring.
• Eit godt arbeidsmiljø.
• Så klart løn, i samsvar med gjeldande overeinskomst. 

Vi oppfordrar alle søkjarar til å nytte Vitnemålsportalen for å laste opp vitnemål og karakterutskrifter, der det er mogleg. Ved å bruke Vitnemålsportalen sikrar du at dokumenta dine er verifiserte og oppdaterte. Du finn meir informasjon om korleis du brukar Vitnemålsportalen på www.vitnemalsportalen.no. Har du har tatt utdanning i utlandet, må du leggje ved godkjenning frå Direktoratet for høgare utdanning og kompetanse i søknaden (https://hkdir.no/utdanning-fra-utlandet). Om du ikkje finn alle dine relevante vitnemål i Vitnemålsportalen, kan du laste dei opp som eigne vedlegg til søknaden.

         

Kontaktinformasjon

Maria Birgitte Rossebø Areklett, Sjukehusapoteker, +47 93401870

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Sjukehusapoteka Vest

Referansenr.: 4974281573
Stillingsprosent: 100%
Fast
Søknadsfrist: 10.06.2025