Avdelingsleiar - Hannesvegen bustader

Om stillinga

Stillinga som avdelingsleiar er ei nyoppretta stilling som rapporterer direkte til einingsleiar. Avdelingsleiar har personal- og fagansvar for deler av avdelinga, men har ikkje heilskapleg ansvar. Som avdelingsleiar kan du få delegert enkeltoppgåver innan for eksempel økonomi og HMS- arbeid. Som avdelingsleiar er du ein del av avdelinga si leiargruppe. 

Stillinga er ei dagstilling (37,5 t/v) 

Ved ferieavvikling og anna kortvarig fråvær vil ein kunna få endra ansvarsområde/oppgåver innafor den ordinære stillinga som avdelingsleiar. Ved lengre fråvær av einingsleiar vil ein ved behov kunne verte konstituert jmf HTA § 13.4 

Avdelingsleiar skal saman med einingsleiar i avdelinga være med på å utvikle tenesta og bidra til felles kulturbygging. Som ein del av leiarteamet i avdelinga, er du med på å drive internt organisasjonsarbeid for å sikre likeverdige, gode og bærekraftige tenester i framtida.

Om oss 

Hannesvegen bustader ligg sentralt på Manger, og er ei avdelinga som består av fleire bustadgrupper og nokre avlastingsplassar. Tenestemottakarane har ulikt funksjonsnivå og hjelpebehov. 

Målet er å gje tenester av god kvaltiet for å sikre ein best mogeleg kvardag for den einskilde. Arbeidsmiljøet er prega av sterkt engasjement for tenestemottakarane, og dyktige medarbeidarar som har omsorg for både tenestemottakarane og kvarandre. 

Hjå oss arbeider det vernepleiarar, miljøterapeutar, hjelpepleiar/helsefagarbeidarar, fagarbeidarar og assistentar. 

Arbeidsoppgåver

• Ansvar for dagleg drift 
• Personalansvar 
• Saman med einingsleiar ha ansvar for å sikre at kvaliteten på tenestene er innanfor ramma av dei ressursane avdelinga disponerer.
• Ansvarleg for at avdelinga arbeidar etter kommunen sine fag- og kvalitetssystem
• Gjennomføre internkontrolltiltak innanfor fagområdet
• Sørge for naudsynt fagleg samordning på tvers av linjeorganiseringa
• Ansvarleg for at dei tilsette samla sett har tilstrekkeleg og relevant kompetanse
• Ta initiativ til og gjennomføre fagleg forbetrings- og utviklingsarbeid
• Ansvarleg for ei brukar- og serviceorientert utvikling av tenester i fagområdet
• Sikre god løpande dialog med brukarar og pårørande

Me er på jaket etter ein leiar som vil vere med å forma tenesta og endring i arbeidsoppgåver må påreknast. 

Kompetanse

• Autorisert vernepleiar. Sjukepleiar med relevant erfaring frå tenesteområdet/brukargruppa kan bli vurdert.
• Praktisk erfaring med målretta miljøarbeid
• Gode digitale ferdigheiter og kjennskap til digitale dokumentasjonsverktøy
• Gode norskkunnskapar, munnleg og skriftleg
• Førarkort klasse B

Det er eit føremon om du har: 

• Erfaring med Kap.9
• Erfaring frå tilsvarande type arbeid som leiar med personalansvar

Kven er du?

• Du har gode kommunikasjonsevner og relasjonelle ferdigheiter,  og evne til å skapa tillit.
• Du er trygg i deg sjølv, handterer krevjande situasjonar med ro og tydelegheit, og tek kloke avgjerder under press
• Du evner å ta sjølvstendige beslutningar til det beste for drifta og avdelinga 
• Du kan reflektera etisk og fagleg over komplekse problemstillingar 
• Du kan han handtera eit høgt arbeidspress 
• Du er fleksibel og løysingsorientert. Du ser moglegheiter i staden for utfordringar og kan reflektera etisk og fagleg.
• Du har gode samarbeidsevner, men kan og arbeide sjølvstendig
• Du evner å inspirere og motivere tenestemottakarar og kollegaer

Vi treng deg som kan sjå avdelinga med friske auge og bidra til vidare utvikling. Du er initiativrik, engasjert i brukargruppa og handterer krevjande situasjonar med ro og tålmod. Du har gode samarbeidsevner og tilpassar deg ulike situasjonar etter behov.

Dei personlege eigenskapar som nemnt over vil bli lagt stor vekt på.

Me tilbyr

• Fagleg og personleg utvikling
• Leiaropplæring
• Høg kompetanse i avdelinga med stort fokus på kvalitet i tenesta
• Dedikerte kollegaer som har brukar i fokus
• Allsidig og lærerikt arbeidsmiljø
• Løn: Etter avtale
• God pensjonsordning i KLP
• Tilsetjing i samsvar med gjeldande lov- og avtaleverk

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling

I avdelinga har me jobba over tid med heiltidskultur, og er i ein prosess med tenestestyrt bemanning og oppgåvedeling for å kunne yte gode og bærekraftige tenester i framtida. I Habiliteringstenesta arbeider me med vår digitale kompetanse, og nyttar teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Alver kommune er i ein omstillingsprosess der me saman skal byggje Alver-laget for framtida.
- "Alver kommune i endring og omstilling 2026"

Me er Alver

Me får vere der frå aller fyrste stund, og vi får følgje deg gjennom livet!

. Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede

Om Habiliteringstenesta 

Habiliteringstenester i Alver kommune gjev tenester til personar med nedsett funksjonevne/
utviklingshemming. Tenestene vert gitt i den einskilde sin heim, ved arbeids- og aktivitetsenter, 

og som ulike former for avlasting for familiar med born/unge med omfattande behov for omsorg. Inn under habiliteringstenestene finn ein også støttekontaktteneste og koordinatorar for Individuell Plan.