Me har ledig stilling som politibetjent 3/2/1 ved GDE4 Sauda/Suldal og Etne/Vindafjord. Stillinga er fortrinnsvis plassert ved seksjon for førebyggjande politipatrulje, men det kan òg bli aktuelt med plassering ved seksjon for etterretning og etterforsking. Stillinga vil vera stasjonert ved Sauda Politistasjon og/eller Vindafjord Politistasjon.

Me ber søkjarar om å sende søknad, CV og attestar via «søk på stilling», og at vitnemål frå Politihøgskulen blir lasta opp. Me ber vidare om at søkjar oppgjev minst to referansar med kontaktinformasjon, då desse vil bli kontakta i prioritert rekkefølgje etter søknadsfristen.

Arbeidsoppgåver

Førebyggjande politipatrulje

• Følgje opp kriminalitetsførebyggjande tiltak (kunnskapsbasert politiarbeid)
• Utføre naudsynt etterforsking på staden og følgje opp generelle straffesaker i driftseininga
• Vera IP4-personell og ein del av heilkontinuerleg turnusteneste

 

Etterforskar

• Etterforske dei prioriterte straffesakene i driftseininga i tett samarbeid med PEL
• Vera IP4-personell og ein del av helgeforsterkningspatrulje

Søkjar må vera førebudd på å bli omdisponert mellom dei ulike seksjonane, turnusteneste eller dagtid med helgeforsterkning.

Kvalifikasjonar

Nødvendige:

• Bestått Politihøgskule
• Kjennskap til politiet sine datasystem
• Erfaring frå førebyggjande politipatrulje
• Erfaring frå etterforsking
• Vera IP4-godkjent eller kunne bli det snarast

Ønskelege:

• Anna relevant utdanning
• Sterk motivasjon for å arbeide ved ei lita driftseining med store avstandar, og i periodar få operative oppdrag

Du må ha plettfri vandel og vera skikka for teneste i politiet. Politiattest (uttømmande og utvida) må hentast inn ved eventuell tilsetjing, jf. politilova § 18 og politiregisterlova § 41.

Personlege eigenskapar

• Sjølvstendig med god gjennomføringsevne
• Gode samarbeidsevner
• Tilpassingsdyktig
• Positiv og omgjengeleg

Som medarbeidar i politiet har du høg etisk medvit, og du kjenneteiknast av å vera modig og heilskapsorientert. Du viser respekt og er tett på.

Me tilbyr

 

• Ein utfordrande og spanande arbeidsplass for deg som vil vera med på å forma politiet i framtida
• Stillinga vert løna som politibetjent 3 sko 1462, fra kr 526.500,-brutto per år, politibetjent 2 sko 1460, fra kr.468.500,- brutto per år, politibetjent 1 sko 1458, fra kr.432.800,- brutto per år 
•  Medlemskap i Statens pensjonskasse, med mellom anna gode pensjons- og forsikringsordningar (sjå https://www.spk.no/ for mer info)  

Politiet meiner at inkludering og mangfald er ei styrke. Me treng medarbeidarar med ulike kompetansar, bakgrunnar, erfaringar og perspektiv for å bidra til endå betre oppgåveløysing. Så langt det er mogleg, vil me tilretteleggje for medarbeidarar som har behov for det.

Dersom det finst kvalifiserte søkjarar med funksjonsnedsetjing, hol i CV-en eller innvandrarbakgrunn, skal me kalle inn minst éin søkjar i kvar av desse gruppene til intervju. For å bli vurdert som søkjar i desse gruppene, altså for positiv særbehandling, må visse krav vere oppfylte.

For eit godt vurderingsgrunnlag ber me deg om å registrere utfyllande CV i vår rekrutteringsportal og laste opp relevante attestar og vitnemål. Dersom du har funksjonsnedsetjing, hol i CV-en eller innvandrarbakgrunn, oppmodar me deg til å krysse av for dette i rekrutteringsportalen. Avkryssingane dannar grunnlag for anonymisert statistikk som alle statlege verksemder rapporterer i årsrapportane sine.

Du kan lese meir på arbeidsgjevarportalen: arbeidsgiver.difi.no/positivsaerbehandling.

Opplysningar om deg kan bli offentleggjorde sjølv om du har bedt om å ikkje bli ført opp på søkjarlista. Dersom oppmodinga ikkje blir teke til følgje, vil du bli varsla om dette.

      

Kontaktinformasjon

Eivind Obrestad Asheim, Seksjonsleder, Sauda, 45224789
Kari Rørtveit, Seksjonsleder, Vindafjord, 48886264

Arbeidssted

Kyrkjegata 2
4200 SAUDA

Nøkkelinformasjon:

Arbeidsgiver: Sør-Vest politidistrikt

Referansenr.: 4899693327
Stillingsprosent: 100%
Fast stilling
Søknadsfrist: 10.02.2025