Psykologspesialist/psykolog

Vil du vera med å styrka psykisk helsevern for barn og unge?

Ved BUP Stord, Husnes-/Odda kontoret har vi ledig 1-års vikariat i 100% stilling som psykologspesialist/psykolog. Stillinga er dagstilling med 37,5 timar per veke.

Me søkjer ein engasjert psykologspesialist eller psykolog under spesialisering til vårt kontor i Odda evt. Husnes. Hos oss blir du del av små, tverrfaglege team som jobbar tett saman, der både fagleg utvikling og samarbeid står sterkt. Me har faste fagdager der leiing og medarbeidarar saman drøftar og finn løysingar på faglege utfordringar.   

Me er ei stabil personalgruppe med god lokal tilknyting, og har solid dekning av psykologar og spesialistar. Det sikrar god støtte og kvalitet i arbeidet vårt. Me legg vekt på fagleg utvikling som tek omsyn til behova hos pasientane og interessene hjå medarbeidarane våre. 

BUP Stord gir tenester på spesialistnivå til barn og unge (0-18 år). Opptaksområdet vårt består av 6 kommunar (Stord, Fitjar, Bømlo, Tysnes, Kvinnherad og Ullensvang). 
BUP Stord er organisert saman med Stord DPS under felles leiing, og er inndelt i 4 team. Ved poliklinikken er det 25 fagstillingar. Husnes-/Odda kontor er utekontor for BUP Stord som skal gi tilbod til pasientar frå Ullensvang og og Kvinnherad. Det er per i dag tre fagstillingar og ein merkantil med fast kontorstad på Husnes, og 3 fagstillinger ved Odda-kontoret. Alle er knytta til team på BUP Stord. På Stord er det eit breitt tverrfagleg fagmiljø, med god spesialistdekning. 

💙Ønskjer du å kombinera fagleg utvikling med meiningsfullt arbeid for barn og unge? Då vil me gjerne høyra frå deg.

Kva går jobben ut på?

• Utgreiing, diagnostisering og behandling av barn og ungdom.
• Aktiv deltakelse i tverrfaglige diskusjoner og problemløsing.
  
• Rettleiing og formidling av kunnskap internt og eksternt.
• Kontakt med føresette og andre aktuelle instansar rundt barn/ungdom.
• Som spesialist t.d.: Rettleiing, vurderingar, ansvarleg for pasientar.

Kva kompetanse er viktig i denne rolla?

• Norsk autorisasjon som psykolog, fortrinnsvis spesialist med fordjuping i barne- og ungdomspsyk.
• Erfaring frå eller sterk interesse for BUP
• Gode norskkunnskapar, både munnleg og skriftleg.

Kva ser vi etter hos deg?

Hos oss er det viktig at du:

• er oppteken av samarbeid og bidreg aktivt til eit positivt arbeidsmiljø
• viser omtanke og bidreg til å skapa psykososial tryggleik
• har ei open og løysingsorientert tilnærming til arbeidet
• har evne til å arbeida strukturert og sjølvstendig
• verdset tverrfagleg samarbeid og dialog

Kvifor skal du velje oss?

Hos oss blir du ein del av eit trygt og engasjert fagmiljø der samarbeid, utvikling og trivsel står i sentrum.

• Du får høve til å påverka både eigen arbeidskvardag og faglege utvikling.
• Du blir ein del av små, tverrfaglege team med tett samarbeid og god støtte frå kollegaer.
• Vi satsar på kompetanseheving gjennom kurs, internundervisning, fagdagar og moglegheiter for forsking.
• Vi kombinerer høgt fagleg nivå med eit inkluderande og sosialt arbeidsmiljø.
• Du får løn i samsvar med gjeldande avtale.

Kontaktinformasjon

Ingvild Kaldråstøyl, Funksjonsleiar, +47 534 91220, ingvild.kaldrastoyl@helse-fonna.no

Arbeidsstad

Sjukehusvegen 10
5750 Odda

Nøkkelinformasjon:

Arbeidsgivar: Helse Fonna HF

Referansenr.: 5201242714
Stillingsprosent: 100%
Vikariat
Startdato: 01.01.2027
Sluttdato: 31.12.2027
Søknadsfrist: 22.11.2026