Bu- og miljøtenesta: Vil du bli vår nye kollega i eit godt og spennande fagmiljø?

Bu- og miljøtenesta i Sogndal kommune søkjer deg som vil jobbe fast i sone Sogndal. Her får du ein jobb der du er tett på menneske og der du faktisk ser at det du gjer har verdi i kvardagen til den enkelte. 

Me har no ledig 100 % fast stilling og 22,89 % fast helgestilling, med oppstart snarast. 

Det kan bli aktuelt å tilsetje i fleire stillingar enn dette, ettersom behova kan endre seg, gi gjerne beskjed dersom du ønskjer å bli vurdert for fleire stillingar. 

Kva går jobben ut på? 
I bu- og miljøtenesta jobbar me med barn, unge og vaksne med ulike funksjonsnedsettingar og samansette behov. Målet er å skape trygge, meiningsfulle og føreseielege kvardagar.  

Arbeidet kan mellom anna innebere: 

• Praktisk og sosial støtte i heim og bustad 

• Miljøarbeid og struktur i kvardagen 

• Aktivitetar tilpassa den enkelte sine interesser og utvikling 

• Samarbeid med pårørande og andre fagpersonar 

• Dokumentasjon og fagleg oppfølging 

Du blir ein del av eit team, men mykje av jobben handlar om relasjonen mellom deg og den du jobbar med. 

Kvifor søkje denne stillinga? 
Du får føreseielegheit, fagmiljø og utvikling – ikkje berre ekstravakter eller deltidsarbeid.  

I tillegg får du sjølvsagt: 

• Fast tilsetjing med prøvetid på 6 månader 

• Opplæring og rettleiing 

• Eit fagmiljø som bryr seg om kvalitet 

Me ser etter deg som: 

• Er trygg og tolmodig 

• Har evne til å skape tillit 

• Er omsorgsfull og tydeleg 

• Klarer å stå i krevjande situasjonar 

• Ser moglegheiter framfor avgrensingar 

Personlege eigenskapar vil bli vektlagde. Du må ha sertifikat og tilgang til bil. Grunna behov hos tenestemottakar oppmodar med spesielt menn til å søkje.  

Praktisk informasjon:

• 100 % fast stilling 

• Oppstart snarast 

• Arbeidsstad: Sogndal 

• Politiattest av ny dato må leggjast fram før tilsetjing 

• Teiepliktsskjema må underteiknast 

Administrasjonsspråket i kommunen er nynorsk. 

I tråd med offentleglova § 25 kan opplysningar om søkjar bli offentleggjorde, sjølv om du ber om unntak frå offentleg søkjarliste. Du vil bli varsla før eventuell offentleggjering.