Sjukepleiar 100% stilling

Vi søkjer etter ein sjukepleiar i 100% stilling, for tida til heimetenesta i Ytre Haram, som er lokalisert i Brattvåg. I Ytre Haram heimeteneste arbeider vi etter metoden sjukepleiar i stab. Stillinga er i turnus, med for tida arbeid på dag/kveld og  langvakter kvar fjerde helg. Vi ser etter ein person som kan utøve sjukepleie og omsorg for heimebuande pasientar og deira pårørande. 

Kommunalområde helse og omsorg består av Haram omsorgstenester og Haram butenester. Vi har ansvar for brukarar i alle aldrar, med mange ulike behov. For oss er det viktig å gi gode, målretta tenester, slik at den einskilde mottek den hjelpa ein treng til rett tid og på rett nivå i tenestetilbodet vårt. Den viktigaste ressursen vår er dei tilsette og vi ynskjer å vere ein arbeidsplass der ein opplever trivsel, utvikling og  meistrar oppgåvene ein er sett til å gjere. Vi veit at framtida vil krevje nye arbeidsformer i kommunalområdet, noko vi arbeider aktivt med å sette oss i stand til å møte på ein god måte.

Haram omsorgstenester består av Eidet- og Haram omsorgssenter, Ytre-, Indre- og Nordøyane heimetenstedistrikt og tre dagsenter for eldre. I tillegg har verksemda ansvar for nokre av kommunen sine BPA-ordningar. Vi er opptekne av å skape eit godt arbeidsmiljø i avdelingane våre og fokuserer på fag og å gi gode tenester til tenestemottakarane. 

Haram kommune er oppteken av gode, heilskaplege tenester, og har fokus på arbeid på tvers av tenesteområda for å skape gode tenester for innbyggjarane våre. I Haram jobbar vi for å spele kvarandre gode.

Arbeidsoppgåver

• Ivareta oppgåver knytt til stillinga som sjukepleiar.
• Andre sjukepleiefaglege oppgåver i avdelinga.
• Pleie og omsorg til brukarar.
• Rettleiing og opplæring av medarbeidarar og elevar/lærlingar/studentar.
• Ivareta dokumentasjonsplikta og ha fokus på fagutvikling.
• Bidra til å realisere kommunen og eininga sine visjonar, mål og planar.
• Bidra til eit godt samarbeid med brukar og pårørande.
• Bidra til eit godt arbeidsmiljø.

Kvalifikasjonar

• Autorisasjon som sjukepleiar. 
• Førarkort klasse B.
• Gode norskkunnskapar, munnleg og skriftleg.
• Personlege eigenskapar vert vektlagt.

Personlege eigenskapar

I Haram kommune ynskjer vi tilsette som er samfunnsengasjerte og innovative, og som bidreg til eit godt arbeidsmiljø både fagleg og kollegialt.

• Du har gode kommunikasjons- og samarbeidsevner.
• Du har gode evner til å arbeide sjølvstendig i pasientoppfølging og i dialog med pasient/pårørande.
• Du har gode evner til å følgje oppgitte mål for kvar enkelt pasient, og er oppteken av å gjere pasienten mest mogleg sjølvstendig.
• Du tar ansvar og følgjer opp pasientar.
• Du har godt humør og ei positiv framtoning.
• Du er lojal mot arbeidsplass og kollegaer, og har eigenskapar til å bidra til eit godt omdøme.
• Du ønskjer å arbeide etter omsorgstrappa, og er oppteken av at pasientar får rett tilbod på rett plass.

Vi tilbyr

• Ein spanande arbeidsplass med base i Brattvåg.
• Arbeidsmetoden sjukepleiar i stab.
• Eit godt fagmiljø og god kollegastøtte.
• Vi har stort fokus på teknologi og alternative måtar å arbeide på.
• Løn etter tariff.    

Kontaktinformasjon

Grete Grytten, Avdelingsleiar, 48295440, grete.grytten@haram.kommune.no
Ingrid Beate Mathisen, Tenesteleiar, 90751954, ingrid.beate.mathisen@haram.kommune.no

Arbeidsstad

Storgata 20
6270 Brattvåg

Nøkkelinformasjon:

Arbeidsgivar: Haram kommune

Referansenr.: 4976512151
Stillingsprosent: 100%
Fast
Startdato: 01.09.2025
Søknadsfrist: 15.06.2025