Vil du bidra til berekraftig utvikling av Herøy kommune og er ein dyktig lagspelar? Då er det kanskje deg vi ser etter.

Vi søker deg som vil legge til rette for eit attraktivt og aktivt lokalsamfunn, og som vert motivert av resultat i jobben du og medarbeidarar gjer. Du trivst med leiing, evnar å gi tillit til medarbeidarar og er ein god samtalepartnar. Vidare ser du samanhengar og bidreg til samarbeid på tvers. Du vil vere pådrivar til fornying, utvikling og drift av kommunalområdet og sit tett på beslutningsprosessane. Arbeidet skjer i grensesnittet mellom politikk og administrasjon og gir deg ei unik moglegheit til å vere med på utviklinga til Herøy kommune.

God kunnskap om lokalt næringsliv kan vere ein fordel. Vi treng ein leiar som kan sikre utvikling og gode tenester innanfor sektoren i samarbeid med folkevalde, administrasjon, innbyggarar, næringsliv og frivillige. God prosesskompetanse er vesentleg, og du er oppteken av å sikre medverknad og involvering.

Som kommunalsjef vil du mellom anna få ansvar for å sikre framdrift på ulike samfunns- og utviklingsprosjekt. Vi ser difor etter ein leiar som har sterk gjennomføringsevne, og kan leie laget i sektoren. Arbeid med klima og berekraft står sentralt, og det er nødvendig at også du ser kor viktig dette er. Herøy kommune skal sikre at klima vert ein faktor i våre arbeids- og beslutningsprosessar.

I stillinga som kommunalsjef for samfunnsutvikling har du eit overordna ansvar for avdelingane eigedom, anlegg og drift, utvikling, brann og landbruk. Kommunalsjef for samfunnsutvikling rapporterer til kommunedirektøren og tek del i kommunedirektøren si leiargruppe. 

Arbeidsoppgåver

• overordna ansvar for personal, økonomi, herunder budsjett, og resultat i sektoren
• overordna ansvar for HMS og internkontroll i sektoren
• organisasjons- og leiarutvikling i sektoren, og sikre og vidareutvikle gode og effektive tenester
• støtte leiarane i sektoren, og utvikling av deira avdelingar
• kommunisere klare mål og forventninger, både for organisasjonen, leiarar og medarbeidarar
• sørge for gode beslutningsgrunnlag
• involvere medarbeidarar, tillitvalde, verneteneste, innbyggarar og brukarar i forbetringsprosessar
• representere kommunedirektøren i folkevalde utval
• følge opp politiske vedtak
• ta del i og bidra til godt samarbeid med næringslivet om utvikling av Herøy kommune

Kvalifikasjonar

• relevant høgare utdanning på høgskule- eller universitetsnivå
• god kunnskap og forståing av økonomi og organisasjon
• god kjennskap til fagorganisasjonar si rolle i medverknad og medbestemming
• god kunnskap om kommunal forvaltning
• relevant erfaring frå omstillings- og utviklingsarbeid 
• leiarerfaring, gjerne på høgare nivå i offentleg sektor
• god forståing av samspelet mellom politikk og administrasjon
• god digital kompetanse og engasjement knytt til auka digitalisering
• svært god munnleg og skriftleg framstillingsevne
  

Kommunen har nynorsk som administrasjonsmål. Vi ber om at du lastar opp vitnemål og attestar i Webcruiter saman med søknaden.

Personlege eigenskapar

• Du har evne til å sjå gode, strategiske løysingar.
• Du kan tenke heilskapleg og ha sterk gjennomføringsevne.
• Du tek initiativ, engasjerer og har evne til å skape tillit.
• Du er god til å bygge relasjonar både internt i organisasjonen, men også eksternt med ulike aktørar.
• Du likar å arbeide i grensesnittet mellom tilsette, innbyggar, utbyggar og folkevalde.
• Du likar høgt tempo og arbeider godt under press.

Personlege eigenskapar vil bli vektlagde i tilsetjingsprosessen i tillegg til kompetanse og erfaring. 

Vi tilbyr

• spanande, utfordrande og utviklande arbeidsoppgåver
• godt arbeidsmijø med fagleg sterke og engasjerte medarbeidarar
• eit sterkt og støttande leiarteam
• konkurransedyktig løn og arbeidsvilkår
• pensjons- og forsikringsordning i KLP

Vi tilset etter gjeldande tariffavtale, lover og reglement. Søkjarlista kan verte offentleggjort. Aktuelle kandidatar vil verte kalla inn til intervju.

Kontaktinformasjon

Trond Arne Rossi Aglen, Kommunedirektør, +47 93267684

Arbeidsstad

Rådhusgata 7
6090 Fosnavåg

Nøkkelinformasjon:

Arbeidsgivar: Herøy kommune

Referansenr.: 4906369701
Stillingsprosent: 100%
Fast
Søknadsfrist: 13.02.2025