Lærarvikar ved Introsenteret i Suldal

Introsenteret i Suldal har ansvar for etablering og kvalifisering for flyktningar og opplæring i norsk, samfunnskunnskap, grunnskuleopplæring for vaksne og spesialundervisning på grunnskulens område. Eininga spelar også ei sentral rolle i det kommunale integreringsarbeidet. 

Me søkjer deg med fagleg kompetanse og samarbeidsevner som vil væra med å bidra til eit godt opplæringsmiljø for vaksne der kvalifisering og kompetanseutvikling mot arbeid og utdanning står sentralt. Du vil undervisa i norskopplæring etter Integreringslova og gjeldande læreplan og/eller grunnopplæring etter Opplæringslova og nye modulstrukturerte læreplanar i engelsk, naturfag, samfunnsfag, matematikk og/eller norsk. Omfanget av behovet for vikartimar er usikkert i og med faktorar som er vanskelege å føreseia.

• Undervisa i vaksenopplæring i eitt eller fleire av faga norskopplæring, engelsk, naturfag, samfunnsfag, matematikk og norsk.
• Følgja gjeldande læreplanar og opplegg
• Føra fråvær
• Samarbeida med lærarkollegiet og introtenesta om deltakarar
• Andre aktuelle oppgåver

• Pedagogisk bakgrunn og/eller erfaring
• Faglærarutdanning
• Kunnskap om og erfaring med vaksenpedagogikk og/eller spesialpedagogikk
• Tilfredsstillande IKT-kompetanse
• Erfaring med læringsbrett som undervisningsverktøy
• Fleirkulturell forståing
• Søkjarar med anna relevant utdanning og erfaring blir vurderte 

• Du må vera innstilt på å samarbeida og samstundes ha evne til å arbeida sjølvstendig og målretta med undervisning og opplæring
• Du må vera fleksibel og positiv
• Du må trivast saman med deltakarar og kollegaar
• Ha gode kommunikasjonseigenskapar
• Vera fagleg bevisst og godt førebudd til undervisning 

•  Faglege og personlege utfordringar i eit godt og inspirerande arbeidsmiljø
•  Engasjerte og dyktige kollegaar
•  Gode pensjons- og forsikringsordningar
•  Bedriftshelseteneste
•  Løn- og tilsetjingsvilkår i samsvar med lov- og avtaleverk
•  Nynorsk som administrasjonsspråk

• Aktuelle søkjarar blir kalla inn til intervju
• Kandidatar som ikkje kan arbeida 100 % blir også oppmoda til å søkja
•  Det er krav om godkjend politiattest etter gjeldande lovverk ved tiltrede og denne kan ikkje vera eldre enn tre månadar
•  Kontaktinformasjon for stillinga finn du til høgre for annonsa
•  Kommunen følgjer Offentleglova § 25 ved eventuell offentleggjering av søkjarliste

Me ber om at du søkjer elektronisk. Klikk på «send søknad» og følg vidare instruksjonar.

Du kan logge inn via ID-porten, med brukarnamn og passord, via Facebook-profil eller søkje utan å logge inn. Dess meir du fyller ut, dess betre vert du sjåande ut på søkjarlista.

Me ber om at du legg ved attestar og vitnemål i søknaden. Om du ikkje har dei elektronisk kan dei takast med til intervju.