Ledig stilling i Legetenesta - er du vår nye kollega?

Er du på jakt etter ein variert og meiningsfull jobb i eit fagleg sterkt miljø? Legetenesta i Bømlo kommune har ledig fast 100 % stilling som hjelpepersonell ved dei kommunale legekontora. Me ser etter deg som har gode kommunikasjonsevner, er serviceinnstilt og likar å jobbe med mennesker. 

Målet vårt er å tilby ei fagleg, solid og lett tilgjengeleg legeteneste der høg kvalitet står i sentrum. Tenesta skal bidra til god førebygging, utredning og trygg behandling for innbyggjarane våre. Me har hjelpepersonelldekning som består av sjukepleiarar, bioingeniørar og helsesekretærar.

Legetenesta har i dag omkring 30 tilsette som er fordelt på tre legekontor i kommunen:
Øyane Helsehamn, Bremnes
Moster legesenter, Moster
Bømlo legekontor, Langevåg

Stillinga inneber arbeid ved fleire legekontor, med oppstart etter nærare avtale. 

Klikk her for meir informasjon om legetenesta og legekontora i Bømlo kommune.

Arbeidsoppgåver

Me kan tilby ein dynamisk og variert arbeidskvardag med faglege utfordringar og tett samarbeid med dyktige kollegaer. 

Oppgåver ved dei ulike legekontora vil vere: 

• Resepsjonsarbeid med ansvar for å betene pasientar i luke, svare på telefonar, gje medisinske råd og handtere elektronisk kommunikasjon.
• Laboratoriumarbeid med prøvetaking/analysering av prøvar.
• Skadestovearbeid som bl.a. inneber akuttfunksjon/bistå lege ved akutte situasjonar i tillegg til sårbehandling, injeksjoner, EKG-taking, audiometri, spirometri og 24 timars blodtrykksmåling. 

Andre oppgåver kan bli tillagt stillinga avhengig av den tilsette sin kompetanse og erfaring. Endringar i arbeidsområdet må kunne påreknast. 

Kvalifikasjonar

• Utdanna sjukepleiar, bioingeniør eller autorisert helsesekretær. 
• Gode språkkunnskapar i norsk og engelsk, både munnleg og skriftleg. 
• Erfaring frå legekontor/legevakt eller anna akuttmedisinsk arbeid tel positivt. 
• Det er ønskjeleg at du har erfaring med digitale system, og gjerne kjennskap til Infodoc journalsystem.
• Førarkort er ein fordel. 

Personlege eigenskapar

Personlege eigenskapar vert særskilt vektlagt i vurderinga. Me søkjer:

• Du er ein positiv, engasjert og ansvarsbevisst medarbeidar som trivst med ein variert og dynamisk arbeidskvardag.
• Du arbeider sjølvstendig, har god arbeidskapasitet og bidreg aktivt til eit godt samarbeid med kollegaer.
• Du handterer fleire oppgåver parallelt, og beheld både ro og oversikt i hektiske situasjonar.
• Du er strukturert, fleksibel og løysingsorientert, og stiller deg positiv til endringar og nye utfordringar.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga.

Me tilbyr

• Interessante og varierte arbeidsoppgåver i eit godt arbeidsmiljø.
• Løn og arbeidsvilkår i samsvar med gjeldande lov og avtaleverk.
• Gode offentlege pensjons- og forsikringsordningar.
• Stilling i ei inkluderande arbeidslivsverksemd (IA-verksemd).
• Medlemskap med tilsettegoder i velferdsklubben.
  

Andre opplysningar

• Det vert stilt krav om politiattest ved tilsetjing etter Helse og omsorgstenestelova § 5.4 
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn. 
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din.

Dersom du har spørsmål om stillinga ta kontakt med Monica Tofte Amundsen til og med veke 29. Frå uke 31 ta gjerne kontakt med Kari Nes. 

Kontaktinformasjon

Kari Nes, Fagansvarleg sjukepleiar, Kari.Nes@bomlo.kommune.no
Monica Tofte Amundsen, Verksemdsleiar i legetenesta, monica.tofte.amundsen@bomlo.kommune.no

Nøkkelinformasjon:

Arbeidsgivar: Bømlo kommune

Referansenr.: 4991713560
Stillingsprosent: 100%
Fast
Søknadsfrist: 15.08.2025