Tannlege - fast stilling

Vest Tannhelseområde har ledig 100% fast stilling som tannlege. Oppstart 04.08.2025.
 
Tenestestad er for tida Nordhordland tannklinikk. Klinikken har til saman 18 tilsette: 7 tannlegar, 4 tannpleiarar og 7 tannhelsesekretærar. Nordhordland tannklinikk er lokalisert i Region Nordhordland Helsehus som ligg sentralt i Knarvik.  Klinikken var ny våren 2021. Knarvik ligg om lag 3 mil frå Bergen sentrum, og det er gode bussforbindelsar. Ved tilsetjing av intern kandidat frå klinikkområdet,  blir det ledig ei anna 100% fast stilling i klinikkområdet som resten av søkjarar blir vurdert til.
 

Arbeidsoppgåver

-          Klinisk arbeid som omfattar alle pasientgrupper, inklusiv vaksne betalande pasientar
-          Halde seg fagleg oppdatert og følge gjeldande lover og retningslinjer for evidensbasert behandling, samt jobbe for å nå målsetnadane til Vestland tannhelseteneste
-          Delta i HMS-arbeid og kvalitetsutvikling samt andre felles oppgåver for drift av klinikken

Kvalifikasjonar

-          Søkjar må ha norsk autorisasjon som tannlege
-          Søkjar må beherske norsk skriftleg og munnleg
-          Den som skal tilsetjast i tannhelsetenesta må leggje fram politiattest

Personlege eigenskapar

Vi søkjer deg som:
-          Likar å jobbe menneske og som set pasienten i fokus
-          Kan arbeide systematisk, strukturert og målretta
-          Har evne til å jobbe effektivt, prioritere og meistre ein travel arbeidsdag
-          Har gode kommunikasjonsevner
-          Har gode samarbeidsevner og bidrar til eit godt arbeidsmiljø
-          Har personleg og fagleg integritet samt fokus på fagleg utvikling
-          Har evne til å skape gode relasjonar til pasientar, pårørande, medarbeidarar og andre samarbeidspartnarar
-          Har forståing for det helsefaglege samfunnsoppdraget
-          Ynskjer å være med på å utvikle Vestland tannhelseteneste
 
Det vert vektlagt at søkar er personleg eigna til stillinga.

Vi tilbyr

-          Ei spanande og variert stilling i eit arbeidsmiljø med høg fagleg kompetanse
-          Løn etter avtale, men med ei minsteløn på kr 640.000
-          Fylkeskommunale tilsetjingsvilkår med gode offentlege forsikrings- og pensjonsordningar

Kontaktinformasjon

Harald Isdal Kvamme, klinikkleiar (tannlege), 91750454
Agnete Norheim Kaldestad, områdeleiar tannhelse, 41644936

Arbeidsstad

Kvassnesvegen 40
5914 Isdalstø

Nøkkelinformasjon:

Arbeidsgivar: Vestland fylkeskommune

Referansenr.: 4962111977
Stillingsprosent: 100%
Fast
Søknadsfrist: 13.05.2025