Om stillinga

Trivast du med praktisk arbeid og mykje frisk luft? Då kan ein sommarjobb i driftsavdelinga til Tysnes kommune vere noko for deg!

Eining for drift og vedlikehald søkjer etter 4-5 ferievikarar for sommaren 2025 til uteseksjonen/driftsavdeling.

Du må vere over 16 år, og ha høve til å arbeide minst 4-6 samanhengande veker i perioden veke 25 - 34. Skriv gjerne i søknaden din kva veker du er tilgjengeleg for å arbeide.

Tilsetjing vil verta gjort fortløpande så me oppmodar deg om å senda inn søknaden din snarast.

Kva stillinga går ut på

• Vedlikehald av kommunen sine grøntanlegg
• Utandørs vedlikehaldsarbeid knytt til kommunale bygg
• Anna førefallanda arbeid

Kva kompetanse me søkjer etter

• Relevant erfaring med praktisk arbeid
• Sertifikat kl B er ein fordel, men ikkje eit krav
• Søkjarar til uteseksjonen må handtere enkle maskinar eks. grasklypparutstyr
• God norskforståing, skriftleg og munnleg
• Det vil bli lagt vekt på personlege eigenskapar

Kva me ser etter hos deg

• Du kan jobbe sjølvstendig, er løysingsorientert og serviceinnstilt 
• Du har gode samarbeidsevner, er fleksibel og har godt humør
• Du er motivert og ansvarsfull

Kvifor skal du velga oss?

Synes du dette verkar som ei spanande stilling eller det er noko du lurar på etter å ha lest annonsa? Ta gjerne kontakt med oss som står oppført som kontaktpersonar i annonsa.

Mangfaldserklæring

Tysnes kommune ønskjer å spegla mangfaldet i befolkninga i rekrutteringa vår. Me oppmodar alle som er kvalifiserte til å søkja ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønskjer å legga til rette for inkluderande rekruttering.