Vil du bli ein del av eit profesjonelt team i Skattebøl barnehage?

Under føresetnad av budsjettmessig dekning for 2026, søkjer vi inntil 2 x 100% fast stilling frå 01.01.26

Å jobbe i barnehage er ein gjevande, varierande og interessant jobb. Arbeid med barn er meiningsfylt, og nettopp du kan vere med på å gjere ein forskjell for barna.  Du vil arbeide saman med profesjonelle, fagleg dyktige og engasjerte pedagogar, fagarbeidarar og assistentar. Alle desse gjer ein stor innsats for at alle barna i barnehagen skal ha ein god dag.

Skattebøl barnehage er ein kommunal barnehage som tilbyr inntil 60 plassar. Det er god plass å boltre seg på, både inne og ute. Vi ynskjer å vere ein arena der borna kan finne glede i å vere i eit fellesskap med andre born, og knytte vennskap før skuletida tek til.

• Vi ynskjer tilsette med fagbrev som barne- og ungdomsarbeidar.
• Gode norskkunnskapar, skriftleg og muntleg. Dersom du har eit anna språk enn norsk som førstespråk, må du ha gjennomført norskprøve og ha A2 på delprøve i skriftleg framføring og B1 på delprøve i leseforståing, lytteforståing og munnleg kommunikasjon.

Personlege eigenskapar
Det blir lagt vekt på personlege eigenskapar.

Vi ynskjer at du:

• Har genuin interesse for barn.
• Trivast i lag med små barn.
• Er utadvent og trygg på deg sjølv.
• Er glad i å vere ute i all slags vêr, året rundt.
• Er varm og omsorgsfull, og samtidig kan setje grenser i møte med barn.
• Har gode samarbeids- og kommunikasjonsevner.
• Har pågangsmot og engasjement.
• Er lojal og positiv.
• Er fleksibel og løysingsorientert.
• Kan uttrykke deg godt på norsk, både skriftleg og munnleg.

• Ein barnehage med gode og utviklande arbeidsmiljø.
• Engasjerte kollegaer, barn og føresette.
• Gode stønadsordningar og moglegheiter for personleg vekst gjennom kurs og vidareutdanning, felles for heile barnehagesekoren. 
• Pensjonsordning i KLP.
• Løns- og arbeidsforholdet er regulert av Hovudtariffavtala.

• Den som vert tilsett må legge fram politiattest ikkje eldre enn tre månader.
• Intervju kan skje fortløpande i søknadsperioden.
• Kommunen følgjer offentleglova § 25 ved eventuell offentleggjering av søkjarlista.
• Vitnemål og attestar legg du inn saman med søknaden.

Ta gjerne kontakt med oss.