Ferievikarar sommaren 2026 - Helse og meistring i Lom kommune

Ferievikarar sommaren 2026 - Helse og meistring

Lom kommune søkjer deg som vil bidra til å gje folk tryggleik, omsorg og meistring i kvardagen!

Vi treng ferievikarar sommaren 2026 innan følgjande tenesteområde:

Tilrettelagte tenester

Her jobbar du med personar som treng ekstra støtte i kvardagen. Du bidreg til meistring, aktivitet og livskvalitet, og er ein viktig del av fellesskapet rundt brukarane.

Institusjon

Her gjev du heildøgns pleie, omsorg og tryggleik til bebuarar med ulike behov.

Institusjonskjøken

Her er du med på å lage god og næringsrik mat til bebuarar og brukarar av tenesta.

Avdelingsvert/ung arbeidstakar

Er du mellom 16 og 18 år og ønskjer din første jobb i helsevesenet? Her får du bli ein del av kvardagen på institusjonen, og bidra med enkle, men viktige oppgåver.

Du hjelper til med måltid, trivselstiltak, servering, rydding, aktivitetar og fylgje opp bebuarar på tur eller i sosiale settingar.

Heimesjukepleie

Her jobbar du sjølvstendig ute hjå brukarar, og bidreg til at folk kan bu trygt og godt heime. Ein variert og givande arbeidskvardag med mykje ansvar og tillit.

Heimehjelp/praktisk bistand

Du hjelper folk med praktiske gjeremål i heimen. Dette er dagtidarbeid midt i veka som fint kan kombinerast med arbeid i heimesjukepleia i turnus,

Dagsenter for heimebuande

Her er du med og skaper sosiale møteplassar, aktivitetar og trivsel for brukarar. Dette er dagtidsarbeid måndag, tysdag og torsdag, som fint kan kombinerast med arbeid i heimesjukepleia i turnus.

Kven vi ser etter?

Vi søkjer deg som er engasjert, påliteleg og har eit ope og varmt vesen.

Du er ein som møter folk med smil og respekt -- og som vil bruke sommaren til å gjere ein forskjell. Erfaring frå helsearbeid er supert, men ikkje nødvendig -- det viktigaste er at du har lyst til å bidra og lære.

Du kan vere student(innan helsefag- eller pedagogisk utdanning), helsefagarbeidar/sjukepleiar/vernepleiar, elev -- eller ungdom som ønskjer å prøve noko nytt og meiningsfullt.

Vil tilbyr:

• God opplæring, rettleiing og støttande kollegaer.

• Ein meiningsfull jobb i eit inkluderande og godt arbeidsmiljø.

• Ordna arbeidstid med gode arbeidsvilkår.

• Fagleg spanande, utfordrande og varierte arbeidsoppgåver med høve til å lære mykje.

• Høgt fagleg nivå på tenestene.

• Løn etter gjeldande tariffavtale.

• Moglegheit for vidare tilkallingsvikar etter sommaren.

• Har ei bonusordning for gjennomført sommarvikariat.

Kvalifikasjonar:

• Du må vera fylt 18 år, unnateke ung arbeidstakar.

• Tilfredsstillande politiattest.

• Må ha førarkort klasse B for arbeid i heimesjukepleia, heimehjelpa/praktisk bistand, dagsenter og tilrettelagte tenester.

• Grunnleggande gode norskkunnskapar, munnleg og skriftleg.

Primærarbeidsperiode frå veke 26 til og med veke 33.

Arbeidstid etter gjeldande turnus med arbeid, i utgangspunktet annakvar helg.

Ber om at du i søknaden skriv kva arbeidsplass du ynskjer å vera ferievikar og kva for veker du ynskjer å jobbe.

Søknadsfrist: fortløpande

Velkommen til ein sommar med meining -- og bli med på laget i Helse og meistring.

Nærare opplysningar:

For institusjon og kjøken:

• Avdelingsleiar Guro Einbu, tlf. 40437941.

• E-post: guro.einbu@lom.kommune.no

For heimesjukepleia, heimehjelp/praktisk bistand, dagsenter for heimebuande:

• Avdelingsleiar Julianne Ramstad Plassen, tlf. 47460296

• E-post: julianne.ramstad.plassen@lom.kommune.no

For tilrettelagte tenester:

• Avdelingsleiar Ann Kathrin Flækøy, tlf. 47453241

• E-post: ann.kathrin.flakoy@lom.kommune.no