Nestleiar

Høgskulen på Vestlandet, Avdeling for forskning, internasjonalisering og innovasjon, har ledig fast 100% stilling som nestleiar.

Om stillinga:

Avdelinga legg til rette for høgskulen sine satsingar innan sine ansvarsområde og yter rådgiving og
støtte til HVL-leiinga og fakulteta.

Høgskulen på Vestlandet har høge ambisjonar for si internasjonale verksemd, som er skildra i
Plattform og handlingsplan for internasjonalt kunnskapssamarbeid 2025 – 2030.

Nestleiaren vil ha personal- og leveranseansvar for internasjonaliseringsområdet som omfattar høgt
kvalifiserte medarbeidarar som jobbar med internasjonal mobilitet og utvekslingsavtalar,
internasjonale prosjekt og internasjonale partnarskap. Nestleiar rapporterer til avdelingsleiar og
inngår i prorektor for forsking si leiargruppe. Det vert forventa at nestleiaren bidrar aktivt til å ivareta
avdelinga sitt samla ansvar og heilskaplege utvikling. Med stillinga vil det følge noko reiseverksemd.

Arbeidsstad er ved ein av høgskulen sine fem campus.

Ansvars- og arbeidsoppgåver:

• Leie internasjonaliseringsarbeidet i tråd med høgskulen sine målsettingar
• Utvikle god arbeidsflyt, og legge til rette for samarbeid i avdelinga
• Delta i koordineringa av oppgåver, møteverksemd, informasjonsarbeid og rapportering
• Gje strategisk leiarstøtte til institusjonsleiinga og fakulteta
• Det kan bli lagt andre oppgåver til stillinga etter behov

Kvalifikasjonskrav:

Formell utdanning og kompetanse:

• Høgare utdanning på minimum masternivå eller tilsvarande
• Leiarerfaring
• Gode leiareigenskapar og ein motiverande leiarstil
• God kunnskap om internasjonalisering innan høgare utdanning
• God kjennskap til universitets- og høgskulesektoren
• God forståing for offentleg forvaltning
• God munnleg og skriftleg framstillingsevne på norsk og engelsk

 

Personlege eigenskapar:

• Gode samarbeids- og kommunikasjonsevne
• Evne til å ta initiativ og vere ein pådrivar
• Evne til å arbeide strukturert og systematisk
• Evne til å arbeide sjølvstendig og løysingsorientert
• Omgjengeleg og med evne til å trivast i eit travelt miljø
   

Personleg eignaheit for stillinga vil bli vektlagt.

Vi tilbyr:

• Gode pensjons-, forsikrings-, og låneordningar i Statens pensjonskasse
• Spennande fagmiljø med moglegheit for kompetanseheving - og utvikling
• Høve for trening i arbeidstida

Stillinga som nestleiar er løna etter Statens lønsregulativ, i stillingskode 1059 - underdirektør.

Frå løna vil det bli trekt 2 % innskot til Statens pensjonskasse.

Korleis søke på stillinga?

Send søknad og CV ved å klikke på knappen merka ”Søk stilling” på denne sida.

Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadar kan ikkje sendast på e-post til enkeltpersonar ved høgskulen.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.

Arbeids- og opphaldsløyve i Norge er ein føresetnad for å tiltre stillinga. 

Høgskulen på Vestlandet er underlagt eksportkontrollforskriften. Forskrifta kan komme til anvending i behandlinga av søknadane.

Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.

Kontaktperson ved Høgskulen på Vestlandet er:

Avdelingsleiar Eirin Fausa Pettersen

E-post: eirin.fausa.pettersen@hvl.no

Inkludere, utfordre og samhandle

Les meir på våre heimesider.