Har du tru på at alle menneske kan studere eller få seg ein vanleg jobb?

For ein arbeidsgivar kan det vere vanskeleg å finne kvalifiserte folk. For menneske som ønsker arbeid kan det vere vanskeleg å finne jobb eller utdanning som ein mestrer og trivst med. Som jobbspesialist er du ein nettverksbyggar og jobbar med stort pågangsmot for å bygge bru mellom desse to behova. Du har tru på den enkeltes ressursar, og kan vere tydeleg og direkte. Du har trua på at alle menneske til tross for fysiske og psykiske utfordringar kan få og halde på ein jobb.

Blir du motivert av beskrivinga over, kan du vere den vi leiter etter! Nav Bergen Sentrum har eit pulserande og nyskapande miljø, og IPS Bergen har no ledig ein fast stilling som IPS-jobbspesialist.

Om individuell jobbstøtte
Individuell jobbstøtte (IPS) er ein modell/metode for tett oppfølging av personar med psykiske lidingar som ønsker arbeid, og som har behov for behandling samtidig med arbeidsretta bistand. Målet er å legge til rette for at menneske med samansette utfordringar skal få, og behalda og stå i ordinær utdanning og/eller lønna arbeid.

Eit stort fagmiljø og variert arbeidskvardag
IPS Bergen består av 22 jobbspesialistar som er tilsett i Nav. Det er eit stort engasjement i avdelinga og ein er opptatt av nå måla som er sett. I tillegg er det jobbspesialistar som er tilsett i Bergen kommune, som også er ein del av fagmiljøet. Stillingen vil ha sitt tilsettforhold ved Nav Bergen Sentrum, men vil vere knytt til ulike distriktspsykiatriske senter (DPS) i Bergen. Du vil ha eit kontorstad på eit av disse sentrene ut i frå behov, men arbeidskvardagen vil vere variert og bestå av møter og jobbutvikling også utenfor kontoret.

I søknadsteksten ber vi deg sei noko om kva som motiverer deg til å søke på denne stillinga, samt at du får fram kunnskapen din om individuell jobbstøtte.

Arbeidsoppgåver

• Jobbe etter IPS-metodikk i tett samarbeid med deltakarar, behandlarteam, Nav og studiestader/arbeidsgivarar
• Oppsøke utdanningsinstitusjonar og bedrifter, skape dialog og bygge nettverk
• Vere ute i lokalmiljø og ha møte med deltakarar og studiestadar/arbeidsgivarar (65% av arbeidstida)
• Følge opp eigen portefølje på 20 deltakarar og identifisere jobbsøkarane sine interesser, sterke sider, ferdigheiter og evne, samt kople det med riktig utdanning/jobbar 
• Rettleie jobbsøkarane i søkeprosessen
• Engasjere og motivere både jobbsøkar, studiestadar, arbeidsgivarar, pårørande og andre personar i nettverket rundt deltakar  
• Bidra med din kompetanse og entusiasme inn i jobbspesialistteamet og behandlarteamet
• Gi støtte til ulike IPS team
• Dokumentere arbeidet i fagsystem

Kvalifikasjonar

• Høgare utdanning på minimum bachelornivå. Relevant erfaring og/eller utdanning kan kompensere for kravet til utdanning.
• God skriftleg og munnleg framstillingsevne 
• Erfaring med IPS-metodikk (erfaring med Supported Employment-metodikk kan og vere aktuelt)

Det er også ønskeleg at du har:

• kunnskap om utdanningsmoglegheiter, samt lokal og regional arbeidsmarknad
• erfaring frå oppsøkande verksemd og nettverksbygging 
• god rettleiingskompetanse eller erfaring med direkte kontakt med menneske i ulike livsfasar
• kunnskap om, eller erfaring frå arbeid med psykiske helseutfordringar
  

Vi ser etter deg som

• Kommuniserer godt og bygger trygge relasjonar med ulike menneske
• Er god til å motivere og inspirere
• Har god oversikt, prioriterer godt og handterer uventa hendingar
• Trivst med å bli følgd opp på kvalitet og resultat 
• Er sjølvgåande, fleksibel og har sterk gjennomføringsevne

Vi tilbyr

• Moglegheit til å utgjera ein forskjell i ein organisasjon med eit særs viktig samfunnsoppdrag
• Ein spennande jobb i eit innovativt arbeidsmiljø, prega av kompetanse og marknadsorientert innstilling
• Eit godt fagmiljø med fokus på tenesteutvikling og ambisiøse mål
• Opplæring, kurs og kompetanseheving 
  
• Gode og inkluderande kollegaer og godt arbeidsmiljø på eit kontor med høgt tempo
• Velferdsgode som fleksibel arbeidstid og moglegheit for trening i arbeidstida
• God pensjonsordning, låneordning og forsikringar gjennom Statens pensjonskasse
• Stillingskode 1434 rådgivar i lønnsspenn frå kr. 540 000  til kr. 634 000,- per år. For særskilt kvalifiserte søkarar kan høgare løn vurderast. 

Les meir om Nav som arbeidsgivar

Kontaktinformasjon

Aina Merete Steinsland, Avdelingsleiar IPS Bergen, +47 913 64 345, aina.merete.steinsland@nav.no

Arbeidsstad

Møllendalsveien 6
5009 Bergen

Nøkkelinformasjon:

Arbeidsgivar: NAV

Referansenr.: 4988416497
Stillingsprosent: 100%
Fast
Søknadsfrist: 30.07.2025