Erfaren kokk søkes til Sivilforsvarets kompetansesenter

Direktoratet for samfunnstryggleik og beredskap (DSB) har ledig 55 % stilling som kokk ved Sivilforsvarets kompetansesenter (SFK).
Vi søkjer deg som har fagbrev som kokk eller lang yrkeserfaring som kokk, og gjerne erfaring med å lage mat frå botnen av. Du kommuniserer godt, liker å jobbe i team og er motivert for å bidra til å vidareutvikle kjøkkenet hos kompetansesenterets.
 
Du skal

• planleggje, produsere og servere måltid for tilsette og kurselevane i tråd med terminliste og dagleg drift
• jobbe med logistikk knytt til varehandtering
• etterleve krav til internkontroll for mat (IK-mat)
• inngå i turnusordning

 
Kvalifikasjonar
 
Du må ha:

• fagbrev som kokk eller lang yrkeserfaring som kokk
• god munnleg og skriftleg framstillingsevne på norsk
• grunnleggande datakunnskapar, helst i Microsoft Office 365
• førarkort klasse B

 
Vi ønskjer at du har:

• erfaring med å lage mat frå botnen av
• erfaring frå restaurantkjøkken eller tilsvarande
• erfaring med diettar / tilpassa kost
• god munnleg og skriftleg framstillingsevne på engelsk
• følgjande personlege eigenskapar:
  • gode kommunikasjonsevner
  • lagspelar
  • sjølvstendig
  • tilpassingsdyktig og fleksibel
  • serviceinnstilt

 
Vilkår
Fast stilling som fagarbeidar (stillingskode 1117) med årsløn frå kr 490 000 til 530 000, eller som fagarbeidar med fagbrev (stillingskode 1203) med årsløn frå kr 540 000 til 575 000. Merk at oppgjeven årsløn gjeld full stilling (100%). Løn vert rekna forholdsmessig etter stillingsprosent.
 
Om kompetansesenteret og stillinga
Sivilforsvaret er ein uniformert etat underlagt Direktoratet for samfunnstryggleik og beredskap (DSB), leia av Sjef Sivilforsvaret. I fredstid består Sivilforsvaret av 8000 tenestepliktige mannskap fordelt på 20 distrikt, kvart leia av ein distriktssjef. Det sentrale nivået er organisert gjennom Sivilforsvarsavdelinga, som består av to seksjonar og eit økonomi- og styringssekretariat leia av assisterande sjef Sivilforsvaret. Sivilforsvaret har som hovudoppdrag å verne befolkninga i krise og krig. I fredstid skal Sivilforsvaret bidra til god beredskap i heile landet og vere ein forsterkingsressurs for naudetatar og andre myndigheiter. Sivilforsvaret har lokale, regionale og nasjonale innsatsstyrkar med tenestepliktige mannskap og befal. Totalt er det om lag 230 tilsette i Sivilforsvaret. Den viktigaste ressursen er dei tenestepliktige som blir kalla ut til innsats i ulike oppdrag over heile landet. Sivilforsvaret bidreg også internasjonalt.
 
Sivilforsvarets kompetansesenter (SFK) er ein seksjon på sentralt nivå med nasjonalt ansvar for kompetanse, forvaltning av tenesteplikt, logistikk og materiell. SFK har rundt 50 tilsette, 23 bygg og ein eigedom på 100 mål. Alle dei 8000 tenestepliktige får grunnkurs og vidare opplæring ved SFK. Senteret driftar også sentrallageret som Sivilforsvaret har med nasjonalt materiell.
 
SFK er organisert i tre einingar leia av einingsleiarar. Eining for forvaltning og drift har hovudansvar for administrativ støtte og drift av fasilitetane. Kjøkkenet har ni tilsette, inkludert to lærlingar. Kompetansesenteret har  rundt 1200 kursdeltakarar årleg og overnattingskapasitet på 170 senger. Kursa varer frå éi til tre veker og krev døgnkontinuerleg drift. Dei tenestepliktige bur på Starum under kursperioden og får fire måltid dagleg. Det er mogleg å bu på senteret i helgane, og dette inneber helgearbeid for kjøkkenpersonalet.
 
Stillinga som kokk inngår i team kjøkken og reinhald og skal bidra til forpleiing av kurselevane og dei fast tilsette, med hovudvekt på dei tenestepliktige. Arbeidstida er organisert i seks vekers turnus med arbeidshelg kvar tredje veke. Turnusen går frå kl. 06.30 til 18.45, sju dagar i veka, med eiga arbeidstid i helgane. I høgtider er kjøkkenet i hovudsak stengt.
 
For meir informasjon om Sivilforsvaret, sjå www.sivilforsvaret.no.
 
 
Om DSB
Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 800 tilsette. DSB er underlagt Justis- og beredskapsdepartementet.
 
 
Om å jobbe i DSB
Risiko og sårbarheit i samfunnet er i stadig endring. Difor er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsordningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/om-dsb/jobb-i-dsb/rekrutteringsprosessen/sikkerhet-i-dsb
 
 
Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
• fleksibel arbeidstid
• bedriftshelseteneste
• høve til å trene i arbeidstida

  
 
I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise
 
 
Offentleg søkjarliste
Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak frå offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak frå offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.
 
 
Praktisk informasjon om søknadsprosessen
Det er viktig at du registrerer all relevant utdanning og erfaring i profilen du lagar i rekrutteringssystemet. Dette sikrar at vi har opplysningane vi treng. I tillegg er det naudsynt at du lastar opp både søknadsbrevet og CV-en som vedlegg i PDF-format. For alle stillingar som ikkje krev tryggleiksklarering, vil DSB gjennomføre bakgrunnssjekk. Interne søkjarar må sende inn søknaden i DFØ HR. Les meir om rekrutteringsprosessen i DSB på www.dsb.no/om-dsb/jobb-i-dsb/rekrutteringsprosessen
 
 
Ikkje nøl med å ta kontakt dersom du har spørsmål! Kontaktperson er

Ivar Michael Bergum Jahr, seksjonssjef:
E-post: ivar.jahr@dsb.no 
Telefon: 61 14 10 40
 
Du finn meir informasjon om å jobbe i DSB på www.dsb.no/om-dsb/jobb-i-dsb og ein oppdatert oversikt over utlyste stillingar finn du alltid på jobb.dsb.no/search 
 
Velkomen som søkjar hos oss!