Lærar Stryn kulturskule

Stryn kulturskule er eit kulturelt ressurssenter for bygda, og vi skal gje opplæring av høg kvalitet til born og vaksne i vår vidstrakte kommune innanfor dans, drama, kunst, musikk og song. Kulturskulen har pr i dag 3,7 årsverk og om lag  200 elevplassar, og vi arbeider målretta med rekruttering gjennom lokale konsertar og arrangement.

Kulturlivet i Stryn er aktivt og mangfaldig. Kulturskulen samarbeider tett med lokalt musikk- og kulturliv, og ynskjer å utvikle samarbeidet med andre lokale tenester i kommunen.

Stryn kulturskule er ein desentralisert kulturskule. Kommunen er vidstrakt og vi prioriterer å ha undervisning i sentrum så vel som bygdene rundt. Den øvrige undervisninga går føre seg i sentrum i eigne lokale i Stryn kulturhus. Her er det undervisningsrom til instrumentalopplæring, visuell kunst og lydstudio som vert nytta til individuell undervisning, bandkurs, interne og eksterne innspelingsoppdrag. Kulturskulen disponerer òg ein dansesal til teater-og dansegrupper.

Sidan kulturskulen er relativt liten søker vi først og fremst etter personar som kan dekke fleire fagfelt. Vi treng mellom anna kompetanse innan dans og piano. Endeleg behov vil bli avklart nærmare skulestart og etter elevopptak. 

Utlysinga gjeld tilsetting for skuleåret 2025/26 med oppstart frå 01.08.2025. Det kan bli aktuelt med tilsettingar både fast stilling, vikariat og i varierande stillingsprosentar.

Stillingsprosent vil kunne bli justert etter fagkompetanse og skulen sitt totale behov.

     

Arbeidsoppgåver

Det vil bli behov for tilsetting frå 1. august knytt til undervisning ved Stryn kulturskule og vi ynskjer oss først og fremst kompetanse innan desse fagområda:

•       Dans
•       Piano 
•       Song

Kvalifikasjonar

•    Høgskuleutdanning eller anna relevant utdanning / kompetanse
•    PPU er ikkje eit krav, men eit ynskje  
•    Personlege føresetnader, breidde i fagområde og kompetanse vil bli vektlagt opp i mot skulen sitt behov.
•    Førerkort klasse B - må disponere eigen bil
•    Søkarar som i tillegg til anna relevant fagfelt beherskar grunnleggande studioteknikk oppfordrast til å skrive dette i søknaden. 

Personlege eigenskapar

• Du må like å undervise born og unge individuelt og i gruppe
• Du må ha evne til å skape gode relasjonar
• Du må ha gode samarbeidsevne
• Du må vere positiv og miljøskapande
• Du må vere fleksibel og sjølvstendig
  

Vi tilbyr

• Tilsetting etter gjeldande lover, tariffavtale og reglement
• Lønn etter tariff
• God pensjonsordning gjennom KLP
• Den tilsette må legge fram politiattest av ny dato
• Variert arbeid i eit positivt miljø

 

Kontaktinformasjon

Ingrid Marie Schei Stuhaug, Rektor, 90016334
Anne-Siv Jevnehagen, HR-avdeling, 57874734

Arbeidsstad

Tonningsgata 4
6783 Stryn

Nøkkelinformasjon:

Arbeidsgivar: Stryn Kommune

Referansenr.: 4911058011
Stillingsprosent: 100%
Fast
Søknadsfrist: 26.03.2025