Fagradiograf Pacs/Ris

Radiologisk avdeling ved sjukehuset Nordmøre og Romsdal (SNR) har ledig ei 100% fast stilling som fagradiograf Pacs/Ris.

Fagradiograf Pacs/Ris jobbar i systema Pacs og Helseplattformen. Stillinga har som oppgåve å overvåke systema som benyttast, korrigere feil og manglar, samt å bidra til å forbetre systema i Helseplattforma. Arbeidet omfattar også deltagelse i gjennomføring av planlagte oppgraderingar, konfigurering, verifisering og testing. Stillinga har hovudsakleg tilhaldstad ved akuttsjukehuset SNR Hjelset.

Avdeling for radiologi SNR består av om lag 100 tilsette, samansett av radiografar, radiologar, hjelpepleiarar og kontorpersonell som arbeider i eit spennande, utviklande og triveleg arbeidsmiljø. Avdelinga er tilknytt akuttsjukehuset SNR som er eit nytt sjukehus med døgnkontinuerleg drift, i tillegg til SNR Kristiansund som har utstrakt poliklinisk drift på dag og kveld. Vi gjer tilsaman eit breitt spekter av undersøkingar som MR, Mammografi, CT, konvensjonell rtg, gjennomlysing, ultralyd og beintettleiksmåling.

Vi ber om at vitnemål og attestar vert lasta opp som vedlegg til søknaden din.

Arbeidsoppgåver

• Fagansvar Pacs/Ris og Helseplattformen
• Ansvar for opplæring og rettleiing av brukarar
• Vedlikehald av system med tilgangsstyring, kodeverk, grensesnitt
• Bindeledd mellom systemeigar, brukarar, leverandør, Hemit

Kvalifikasjonar

• Norsk autorisasjon som radiograf
• Erfaring innan Pacs/Ris og Helseplattformen
• Gode IT kunnskapar

Personlege eigenskapar

• Evne til å arbeide sjølvstendig, strukturert og nøyaktig
• Løysingsorientert og initiativrik
• Gode pedagogiske evner og gode samarbeidsevner både intert i avdeling og til eksterne samarbeidspartnerar

Personlege eigenskapar vert vektlagt ved tilsetting.

Vi tilbyr

• Sterkt tverrfagleg samarbeid
• Ein inkluderande arbeidsplass
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her.

Den fargerike opera- og klippfiskbyen Kristiansund er ei perle på Nordmøre. Her finn du eit rikt kulturtilbod med eige operahus som har fleire oppsetjingar og konsertarrangement kvart år. Like utafor byen kan du oppdage den spektakulære Atlanterhavsvegen og fleire sjarmerande fiskevær. Byen har eigen flyplass med fleire daglege avgangar til Oslo og Bergen. Les meir om Kristiansund og Nordmøre her.

Kontaktinformasjon

Eli Iren Sildnes, Seksjonsleiar, Eli.Iren.Sildnes@helse-mr.no

Arbeidsstad

Opdølvegen 4
6450 Hjelset

Nøkkelinformasjon:

Arbeidsgivar: Helse Møre og Romsdal HF

Referansenr.: 5078819562
Stillingsprosent: 100%
Fast
Søknadsfrist: 08.03.2026