Helsefagarbeidar, i inntil 100% fast

Om stillinga 

Gulen kommune har ledig i inntil 100% fast stilling som helsefagarbeidar ved Sone Brekke, Byrknes og Dalsøyra (Sone BBD) frå snarast/etter avtale. Stillinga vil, for tida, vere knytt til avdeling avdeling Brekke og Dalsøyra. Arbeid kvar 3. helg/eventuelt langvakter kvar 4. helg.   

• Løn over tariff for helsefagarbeidar i turnus
• Ekstra helgekompensasjon 
• Gode pensjons- og forsikringsordningar

I sone BBD arbeider det både nyutdanna og tilsette med lang erfaring. Det er eit tett og godt samarbeid mellom assistentar, fagarbeidarar og sjukepleiarar/vernepleiarar kvar dag. Samarbeidet er viktig for at tenestene våre skal verte best mogleg for innbyggjarane i Gulen kommune, og noko me har fokus på kontinuerleg. Eininga har fokus på fagleg utvikling og kompetanseheving blant helsefagarbeidarane, i avdeling og på tvers av avdelingane innan eininga.  

Arbeidsoppgåver 

• Hjelp og bistand til brukarar med ulike funksjonsnivå
• Følgje opp dei daglege rutinene i avdelingane
• Samhandle/kommunisere med pårørande 
• Samhandle tverrfagleg med; lege, fysioterapeut, ergoterapeut og liknande
• Andre oppgåver som måtte kome til

Kvalifikasjonskrav 

• Autorisasjon som helsefagarbeidar. Søkjarar utan fagbrev kan verte vurdert for mellombels tilsetjing
• Førarkort klasse B
• God skrifleg og munnleg framstillingsevne (norsk)

Personlege eigenskapar 

• Kommuniserer godt på norsk, og har erfaring frå og god kjennskap til norsk helsevesen
• Samhandlar godt med brukarar og andre samarbeidspartnarar
• Jobbar sjølvstendig, tar initiativ, er fleksibel og løysingsorientert
• Har ei positiv haldning og bidrar til å skape trivsel på arbeidsplassen
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar. Vi har ekstra helgetillegg på 50 kr/time, i tillegg til tariff, med evaluering ved rullering av lønspolitisk plan. 
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.