Konsulent - Servicekontoret

Om arbeidsstaden

Servicekontoret har eit breitt spekter av spennande oppgåver med ansvar for arkiv – og dokumentbehandling, publikumsmottak, sentralbord, sakshandsaming, anna merkantile oppgåver som til dømes bistand til møteverksemd,  bistand til val, bistand og sakshandsaming til vigsler og innsynsførespurnader. Austevoll kommune har fokus på vidareutvikling og forbetring av rutinar og stillinga skal bidra til at vi driftar kommunen effektivt og utviklar kommunen til beste for både tilsette og innbyggjarane.

Om stillinga

Austevoll kommune har ledig stilling som konsulent ved Servicekontoret. Stillinga høyrer per tida til avdeling for Personal- og organisasjonsutvikling og rapporterer til personalsjef.  Austevoll kommune er under omstilling og ansvars – og arbeidsområde kan bli endra.

 

Arbeids- og ansvarsområde

• Registrering av inngåande post og kvalitetssikring av dokument
• Publisering av saker og dokument til offentleg journal
• Brukarstøtte og opplæring til brukarar i saks – og arkivsystem
• Utvikla og kvalitetssikra rutinar for dokumentbehandling og arkiv
• Utviklingsarbeid innan arbeidsfeltet til kontoret
• Bistand til møteverksemd 
• Sentralbord og publikumsmottak
• Sakshandsaming innanfor ansvarsområde til kontoret

Kvalifikasjonskrav

Formelle kvalifikasjonskrav

• Relevant høgare utdanning på minimum bachelornivå. Søkjarar med lang erfaring innan arbeidsfeltet kan erstatta utdanningskravet.
• Erfaring frå arbeidsfeltet er ønskeleg
• Generelt god IKT-kompetanse og kjennskap til bruk av elektroniske arkivsystem
• Erfaring frå offentleg forvaltning er ein fordel
• God skrifteleg og munnleg kompetanse
• Internasjonale gradar må vere godkjent av NOKUT

Personlege eigenskapar

Søkjar må vere personleg eigna for stillinga. For oss er det viktig at du har gode kommunikasjons – og samarbeidsevner og er serviceinnstilt. Vi søkjer deg som evner å ta initiativ, som arbeider sjølvstendig og likar å arbeide i team. Vidare søkjer vi deg som:

• er nøyaktig, effektiv og strukturert 
• likar rutinearbeid, men som kan vere fleksibel
• har stor arbeidskapasitet og fokus på kvalitet
• arbeidar systematisk 
• er positiv og bidrar til eit godt arbeidsmiljø

Vi tilbyr

• Moglegheit for fagleg utvikling i eit godt og positivt arbeidsmiljø
• Spanande og varierte arbeidsoppgåver
• Løn etter kvalifikasjonar. 
• Gode pensjons – og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.