Barne- og ungdomsarbeidarar 

Om stillingane 

I Gulen kommune har vi barnehagar kor omsorg, leik, læring og gode relasjonar står i sentrum. No søkjer vi engasjerte og varme barne- og ungdomsarbeidarar som ynskjer å vere med og gi barna ein trygg start, gode opplevingar og utviklingsmoglegheiter i kvardagen. Hjå oss får du bruke kompetansen din i eit inkluderande arbeidsmiljø, kor samarbeid, nærvær og barnets beste er viktige verdiar. 

Me lyser etter fylgjande, for tida ved eining Dalsøyra barnehage og skule: 

• 100% fast stilling som barne- og ungdomsarbeidar, frå 01.10.2026. Stillinga er, for tida, knytt til avdeling Dalsøyra barnehage
• I inntil 100% vikariat barne- og ungdomsarbeidar, frå snarast/etter avtale til medio august 2027. Kan verte moglegheit for noko forlenging av vikariatet. Stillinga er, for tida, knytt til avdeling Hovden barnehage

Barnehagane i Gulen tilbyr

• Eit sterkt fokus på fagleg utvikling, kor idear og innspel frå både nyutdanna og erfarne medarbeidarar vert verdsett
• Små og oversiktlege barnehagar som gir nærleik, gode relasjonar og ein trygg start for deg som er ny i yrket
• Eit godt, varmt og inkluderande arbeidsmiljø
• Rettleiing og støtte som del av arbeidskvardagen
• Eit godt fagleg nettverk og tett samarbeid mellom barnehagane i kommunen

Arbeidsoppgåver for ein barne- og ungdomsarbeidar

• Medverke til at barnehagen er ei god pedagogisk verksemd
• Medansvar for tilsyn, omsorg og pedagogisk arbeid med barna
• Delta i planlegging, rettleiing, gjennomføring, evaluering og vurdering i verksemda
• Nokre av fagarbeidarstillingane i eininga er knytt til arbeid med enkeltborn
• Andre arbeidsoppgåver som måtte kome til

Kvalifikasjonar 

• Fagbrev som barne- og ungdomsarbeidar eller tilsvarande kompetanse
• Dersom det ikkje melder seg kvalifiserte søkjarar med fagbrev, kan andre søkjarar verte vurderte for mellombels tilsetjing
• Erfaring frå arbeid i barnehage eller anna arbeid med barn er ynskjeleg 
• Evne til å arbeide i tråd med barnehagen sitt samfunnsoppdrag og verdigrunnlag 
• Grunnleggjande digital kompetanse
• Gode norskkunnskapar - både munnleg og skriftleg

Det vert stilt krav om tilfredsstillande politiattest før oppstart i stilling

Personlege eigenskapar 

• Du er ein trygg, tydeleg og omsorgsfull vaksen
• Du tek initiativ og er aktivt med i leik og kvardagsaktivitetar
• Du samarbeider godt med barn, føresette og kollegaer
• Du er fleksibel, ansvarsmedviten og løysingsorientert
• Personlege eigenskapar vil verte lagde vekt på

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjen høve til å trekke søknaden sin før offentleggjering 
• Løn etter tariff