Vuosttašamanueansa dahje vuosttašlektor luonddufágadidaktihkas ja árbevirolaš máhtus

Bargoviidodat virggis

Sámi allaskuvlla Sámi oahpaheaddjeoahpuid goađis lea rabas bistevaš virgi vuosttašamanueansan dahje vuosttašlektorin luonddufágadidaktihkas ja árbevirolaš máhtus.

Virggehas galgá fágalaččat ovddidit ja jođihit luonddufága ja árbevirolaš máhtu Sámi oahpaheaddjeoahpuin sihke mánáidgárdde- ja skuvladásis. Sáhttet barggut eará fágain nugo reálafágain, lášmmohallamis, biepmus, dearvvašvuođas ja nu ain. Virggehas galgá maid doarjjan
nannet máhtu sámi árbevieruin iešguđet fágasurggiin, fágaidrasttideaddji fágan ja doarjjan hukset
gelbbolašvuođa geavahit luonddu ja lagašbirrasa oahppanarenan ja heivehit doaimmaid iešguđet
oahppanbirrasiidda.

Bargui gullá earret eará

* iešguđet oahpahan-, koordineren-, bagadallan- ja hálddašanbarggut oahpaheaddjeoahpuin, lass ija
joatkkaoahpuin.
* áŋgiruššat ovdánahttit oahpaheaddjeoahpuid fágabirrasa ja ovddidit kvalitehta oahpahusas, ja čađahit dutkan- ja ovdánahttinbargguid Sámi allaskuvlla strategiijaid mielde.

Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.

Virggehas sáhttá oažžut eará bargguid allaskuvlla fágalaš doaimmaid siskkobealde.

Gelbbolašvuođagáibádusat

- Virgái ohcat olbmo geas lea doavttergráda dahje vástideaddji gelbbolašvuohta, luonddufágas,
luonddufágadidaktihkas, biologiijas dahje vástideaddji fágas.
- Virgái gáibiduvvo buorre gelbbolašvuohta davvisámegielas čálalaččat ja njálmmálaččat, ja galgá hálddašit ovtta skandinávalaš giela.
- gelbbolašvuohta bargat árbevirolašmáhtuin- /eamitálbmotmáhtuin.
- dokumenterejuvvon pedagogalaš vuođđogelbbolašvuohta.
- Geabbil ja buorit ovttasbargo- ja gulahallanattáldagat. Gáibiduvvo hárjáneapmi bargat sihke iešheanalaččat, ja bargat ovttas kollegaiguin ja fágabirrasiiguin. Persovnnalaš heivvolašvuohta deattuhuvvo.

Ovdamunnin lea jus virggehasas lea
- relevánta práksisgelbbolašvuohta skuvllas dahje mánáidgárddis.
-vásáhusat gieddebargguiguin.
- Bargohárjáneapmi oahpahusas allaskuvllas dahje universitehtas.

Seammasullasaš dohkálaš ohcciid gaskkas deattuhuvvojit čuovvovaččat
- Oahpahan luonddufágasuorggi siskkobealde.
- Dutkan- ja ovdánahttinbarggut mat leat relevánttat virgái. Guoská sihke bargguide mat leat válbmasat ja proseassas.

Ohcci gii deavdá vuosttašamanueansa- dahje vuosttašlektorvirggi, galgá árvvoštallojuvvot deavdá go
pedagogalaš vuođđogelbbolašvuođa gáibádusaid, vrd. Forskrift om ansettelse og opprykk i undervisnings- og forskerstillinger §§ 1-4 ja 1-5. Jus ohccis váilu pedagogalaš vuođđogelbbolašvuohta, eaktuduvvo háhkat dán gelbbolašvuođa guovtti jagi sisa virgádeami rájis.

Jus virgái eai leat ohccit geat devdet gelbbolašvuođagáibádusaid vuosttašamanueansan dahje
vuosttašlektorin, biddjon láhkaásahusas “Forskrift 9.2.2006 nr. 129 om ansettelse og opprykk i undervisnings- og forskerstillinger» §§ 1-4 ja 1-5, de sáhttá virgáibidjanorgána árvvoštallat virgáibidjat muhtin ohcci gaskaboddosaččat ovtta jahkái vuolit virgekategoriijai mas ohcci deavdá
gelbbolašvuođagáibádusaid, geahča universitehta- ja allaskuvlalága § 7-3.

Bálká

Virgi bálkáhuvvo Stáda bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš virgekoda mielde: 

-vuosttašamanueansa virgekoda 1011- bálká gaskal 646000-745000, bc. 66-74 

-vuosttašlektor virgekoda 1198- bálká gaskal 615700-745000, bc. 63-74

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Virggehasa bargosadji lea Diehtosiiddas, muhto lea vejolaš ohcat ruovttokantuvrras beassat bargat, eanemusat 50% bargoáiggis.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.

Virggis lea 6 mánu geahččalanáigi.

Eará

- Dievdoolbmot ávžžuhuvvojit ohccát virgái universitehta- ja allaskuvlalága (ual.) § 7-1 vuođul. Jus
leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo
dievdoolmmoš ovddabeallai nissonolbmo, gč. ual. 7-1 (2) gos boahtá ovdan ahte galgá deattuhit
dásseárvvu virgáibidjamis.

-  Bargobáiki: Guovdageaidnu

Mii fállat

Virggi mas ovdánahttinvejolašvuođat, viiddis ja máŋggabealat fágabirrasis

- Ođđaáigásaš visttiid

- Máŋggabealat čálgofálaldagaid

- Heivehahtti bargoáiggi

- Buori bargobirrasa mas alla gelbbolaš bargit iešguđetge fágasurggiin

- Ealli sámegielbirrasa guovddáš sámi guovllus Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta. Dutkan- ja ovdánahttin (DOB)- ja oahpahusáiggi viidodat čuovvu virgekategoriija ja juhkkojuvvo dábálaččat čuovvovaččat:

* Vuosttašamanueanssat: 45 % DOB-áigi ja 45% oahpahusáigi

* Vuosttašlektorat: 30 % DOB-áigi ja 60% oahpahusáigi

* Allaskuvlalektorat: 20 % ja 70% oahpahusáigi

* 10% hálddašanáigi buot virgekategoriijain

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaiguin:

 * CV 

* Duođaštuvvon oahppo- ja bargoduođaštusat

* Ollislaš listu dieđalaš publikašuvnnain

* Relevánta publikašuvnnat

* Duođaštus pedagogalaš gelbbolašvuođas

* Eará relevántta duođaštusat, omd. bargoduođaštusat jna.

* Bivdit du maiddái almmuhit guokte (2) referánssa

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Oktavuođadieđut

Eanet dieđuid virggi birra oažžu goahtejođiheaddjis John-Marcus Kuhmunen, epoasta: johnmk@samas.no, tlf. 78 44 84 91