Rådgivar i Studieadministrasjonen - st. nr. 24/2025

Om stillinga

Høgskulen i Volda har ledig fast 100% stilling som rådgivar innan arbeid med utvikling og drift av studentadministrative system. Stillinga rapporterer til studiedirektøren.

Kvalifikasjonar

Du må ha høgre utdanning på masternivå eller tilsvarande, og ha relevant erfaring frå arbeid med IT-verktøy, kvalitetsutviklingsarbeid, sakshandsaming og rådgjeving. Du bør også ha god kunnskap om bruk av, til dels, avanserte IT-verktøy. Relevant erfaring kan vege opp for kravet om master-utdanning. Relevant praksis og kjennskap til universitets- eller høgskulesystemet er ein fordel.

Vi vil i tillegg legge vekt på at du har/er;

• gode analytiske eigenskapar og evne til å tenke strategisk og framtidsretta
• gode kommunikasjonsevner både skriftleg og munnleg, og kunne formidle komplekse saker på ein strukturert og oversiktleg måte
• høg arbeidskapasitet
• ein pådrivar med gode samarbeidsevner
• løysingsorientert og serviceinnstilt

Du bør kunne skrive godt på begge målformer og ha gode engelskkunnskapar, både skriftleg og munnleg. Administrasjonsspråket ved høgskulen er norsk.

Personlege eigenskapar vert vektlagt.

Arbeidsoppgåver

• Applikasjonsforvaltar for studieadministrative system som t.d. Felles Studentsystem (FS)
• Opplæring og utvikling innan FS og tilhøyrande webapplikasjonar (Studentweb, Fagpersonweb m.m.)
• Vidareutvikle  og effektivisere bruk av studieadministrative system
• Utarbeide og levere data til bruk i studiekvalitetsarbeid 
• Rapportering til Database for statistikk om høgre utdanning (DBH)
• Andre rutinemessige oppgåver og sakshandsaming tilknytt studieadministrasjonen

Vi søkjer deg som kan handsame komplekse saker, rådgje og støtte alle fagområde i arbeidet med applikasjonane. Du vil ha ansvar for utvikling og styrking av kunnskap og arbeidsprosessar knytt til våre studieadministrative system.

Du vil jobbe tett med studiedirektør og medarbeidarar i studieadministrasjonen, samt ha tett og god dialog med dei ulike fagavdelingane ved høgskulen.

Vi tilbyr

Som vår nye kollega vil du få varierte oppgåver i eit spanande og sterkt fagmiljø der det vert lagt til rette for fagleg og personleg utvikling. Høgskulen har:

• eit inkluderande miljø med engasjerte kollegaer
• god pensjonsordning i Statens pensjonskasse
• fleksibel arbeidstid
• moglegheit for trening i arbeidstida

Lønn og vilkår

Tilsetting blir gjort i etter kompetanse og kvalifikasjonar i stillingskode rådgivar. Normal årsløn i stillingskode 1363 rådgivar kr. 614 474 – kr. 706 000

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Kontakt

Har du spørsmål til stillinga kan du kontakte konstituert studiedirektør Håkon Bø på telefon 70 07 51 68 eller seniorrådgivarTarjei Solheim Almestad på telefon 70 07 50 00.

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

 

. Video: https://www.youtube.com/watch?v=wSlL1WkuUXc