Sjukepleiar

Er du sjukepleiar og på jakt etter nye utfordringar?

Heimetenesta i Vaksdal kommune har ledig 80% fast stilling med molegheit for opptil 100% i timebank. Vi tilbyr tenester til menneske i alle aldrar, med ulike behov, og har fokus på å gi omsorg med respekt, fagleg kvalitet og menneskeleg varme.

Vaksdal kommune er ein kommune med sterkt fellesskap. Hos oss er det korte avstandar mellom kollegaer, både fagleg og menneskeleg, og vi legg stor vekt på eit godt arbeidsmiljø der tillit og støtte står sentralt.

Heimetenesta er i stadig utvikling, med fokus på velferdsteknologi, fagleg oppdatering og brukarmedverknad. Vi jobbar tverrfagleg, og du vil bli ein del av eit dyktig og engasjert team som brenn for å gi den beste hjelpa – der folk bur og lever liva sine.

Arbeidsoppgaver

• Sjukepleiefagleg oppfølging og prosedyrar (t.d. sårstell, medikamenthandtering, m.m.)
• Omsorg, pleie og førebyggande arbeid i heimen
• Støtte og rettleiing til brukarar og pårørande
• Oppfølging av pasientar i palliativ fase
• Bruk av velferdsteknologi 

Kvalifikasjonskrav

• Autorisasjon som sjukepleiar, anna relevant treårig høgskuleutdanning innan helse kan bli vurdert 
• Førarkort klasse B 
• Godkjend politiattest må leggast fram ved tilsetjing 
• Gode norskkunnskapar, både munnlege og skriftlege
• Ynskjeleg med erfaring frå heimetenesta

Personlege eigenskapar

• Du likar å arbeide sjølvstendig og å ta ansvar på vakter
• Du har gode kommunikasjonsferdigheiter og samarbeider godt i eit tverrfagleg miljø. Du evnar å sjå samanhengar og bidra til heilskapleg tenking på tvers av avdelingar og arbeidsområde
• Du er fagleg trygg, modig og raus - og evnar å gjere tenesta, tilsette og brukarar gode
• Du er påliteleg, stabil og løysingsorientert, med stor evne til gjennomføring

Vi tilbyr

• Faglege og personlege utfordringar i eit godt og inspirerande arbeidsmiljø
• Kompetente og engasjerte kollegaer
• Gode pensjons- og forsikringsordningar
• Individuell oppfølging
• Moglegheiter for støtte til etter- og vidareutdanning
• Løn i tråd med tariffavtaleverk