Er du vår nye tekniske strategiske innkjøpar?

I Engebø Rutile and Garnet AS, eit dotterselskap av Nordic Mining, er vi no på jakt etter ein teknisk strategisk innkjøpar som vil vere med å sikre dei beste avtalane, dei klokaste vala, og dei mest pålitelege leveransane. Hos oss får du ei nøkkelrolle der teknisk innsikt møter strategi, der du kan ha påverknad frå første dag.

Du blir leddet mellom våre tekniske team og leverandørane, både dei vi er kjent med frå før og dei vi ikkje har møtt enno. Oppgåva di? Å sørge for at vi alltid har dei rette delane og tenestene på plass. Til rett tid, rett kvalitet og rett pris.

Dette blir din kvardag:

• Utvikle og følge opp ein spissa innkjøpsstrategi

• Drive anbodsprosessar og sikre gode rammeavtalar med leverandørar lokalt, nasjonalt og internasjonalt

• Følge opp leveransar, avtalar og fakturaer med blikk for detaljar og heilskap

• Bygge relasjonar og forhandle avtalar som gir oss konkurransefortrinn

• Samarbeide tett med tekniske fagmiljø for å forstå behov og sikre kvalitet

Vi trur du:

• Har høgare utdanning (Bachelor eller tilsvarande), eller erfaring som kompenserer for utdanning

• Har minst 3 års erfaring med teknisk innkjøpsarbeid eller strategisk innkjøp

• Har god teknisk forståing, og evne til raskt å sette deg inn i utstyr, system og løysingar som blir brukt i anlegget

• Er strukturert, sjølvstendig og ein god relasjonsbyggar

• Beherskar norsk og engelsk godt

Kvifor du vil like deg her:

• Du får jobbe i eit selskap i vekst, der du faktisk ser resultatet av arbeidet ditt

• Du får stor fridom til å påverke prosessar og avtalar

• Du blir ein del av eit inkluderande arbeidsmiljø med høgt tempo og god stemning

• Til riktig kandidat har vi fleksibilitet til å tilpasse stillinga større ansvarsområde

Vi behandlar søknader og intervjuar kandidatar fortløpande, så ikkje vent til fristen med å søke.

Klar for å ta styringa på innkjøpsstrategien vår?