Lærar i kroppsøving

Ålesund vgs søkjer etter engasjerte og fagleg sterke lærarar i kroppsøving til inntil 200 % undervisningsstilling. Dette er vikariat for skoleåret 2026-2027.

Vi ser etter fagleg dyktige lærarar som har god evne til å skape motivasjon og meistring hos elevane, og som ønskjer å bidra aktivt i eit fagmiljø prega av samarbeid og utvikling.

Arbeidsoppgåver

• Undervisning i kroppsøving på vidaregåande nivå, med fokus på å fremje fysisk aktivitet, helse og livsmeistring. Det kan bli aktuelt med undervisning i kroppsøving på alle trinn og alle utdanningsprogram, både studieførebuande og yrkesfag.
• Planlegging og gjennomføring av undervisning i tråd med gjeldande læreplanar, på våre to lokalitetar Fagerlia og Volsdalsberga.
• Bidra til eit inkluderande og motiverande læringsmiljø der elevane opplever meistring og utvikling.
• Samarbeid med kollegaer i fagseksjonen og i tverrfaglege prosjekt, samt delta i utviklingsarbeid ved skolen.

Kvalifikasjonar

Vi ser etter ein kandidat med undervisningskompetanse i kroppsøving/idrettsfag samt pedagogisk utdanning. Det er ein fordel dersom du har faga norsk og/eller geografi i fagkrinsen. Det er krav om minst 60 studiepoeng for å undervise i fag på vidaregåande. Søkjarar med mastergrad vil bli føretrekte.

Pedagogisk utdanning (PPU eller tilsvarande) er eit krav.

Vi ønskjer i tillegg at den som søkjer har relevant erfaring frå vidaregåande nivå i kroppsøving. Vi ønskjer at du har undervisningserfaring frå studieførebuande dersom du har norsk og geografi i fagkrinsen.

Personlege eigenskapar

Du har gode samarbeidsevner og vilje til å bidra i fagleg utviklingsarbeid og evne til å skape gode relasjonar og eit trygt og inkluderande læringsmiljø. Som person ønskjer vi at du er open, utadvent og gjerne interessert i idrett og friluftsliv. 

Vi tilbyr

• Eit engasjert og inkluderande arbeidsmiljø med høg fagleg kompetanse.
• Ein arbeidsplass der elevane står i sentrum, og der trivsel og læring går hand i hand.
• Tilgang til gode fasilitetar for kroppsøving og fysisk aktivitet i Fagerlihallen og i gymsal på Volsdalsberga.
• Løn og arbeidsvilkår etter gjeldande avtaleverk.

Kontaktinformasjon

Lisa Fiskerstrand, Avdelingsleiar norsk og kroppsøving, 97031245, lisa.fiskerstrand@mrfylke.no

Arbeidsstad

Gangstøvikvegen 27
6009 ÅLESUND

Nøkkelinformasjon:

Arbeidsgivar: Møre og Romsdal fylkeskommune

Referansenr.: 5100032164
Stillingsprosent: 100%
Vikar
Søknadsfrist: 12.04.2026