Vikariat som rådgivar -  arealforvaltning

Om stillinga

Rogaland har areal av stor nasjonal verdi for matproduksjon, og landbruksavdelinga hos Statsforvaltaren har ei viktig rolle i å medverke til gjennomføring av den nasjonale landbruks- og arealpolitikken. Vi skal ha god kjennskap til landbruket i fylket, og skal tidleg i prosessar formidle nasjonal politikk, regionale føringar og prioriteringar. Landbruksavdelinga skal vere kompetansesenter for kommunane på landbruks- og matområdet. 

Landbruksavdelinga har ledig eittårig vikariat som rådgivar innan arealforvaltning. 

Arbeidsoppgåver 

• Saksbehandling og utgreiings- og samarbeidsoppgåver i planprosessar og enkeltsaker
• Saksbehandling, ulike regelverk heimla i jordlova 
• Samarbeide på tvers i embetet og delta i felles plangruppe
• Bidra i andre oppgåver i avdelinga, som til dømes prosjektarbeid, kartleggingsoppgåver mv. 

Kvalifikasjonar

Vi søker etter ein person med god kunnskap om landbruket i Rogaland som vil arbeide med arealforvaltning. Du må ha: 

• Relevant utdanning på mastergradsnivå, med fagleg tyngde innan arealplanlegging. 
• Erfaring frå til dømes arealplanlegging og samfunnsplanlegging
• God kunnskap om landbruket i Rogaland
• Erfaring med bruk av ulike kartsystem og GIS-kompetanse

Personlege eigenskapar: 

• Du har gode samarbeidsevner og god relasjonell kompetanse 
• Du kan arbeide sjølvstendig, ta initiativ, er løysningsorientert og har god gjennomføringsevne 
• Du er strukturert og nøyaktig i arbeidet ditt 

Vi legg vekt på at den vi ser etter, skal vere personleg eigna til stillinga.

Vi tilbyr

• Lønn som rådgivar, kr 620 000 - kr 740 000 pr år,  avhengig av kvalifikasjonar og erfaring. 
• Fleksibel arbeidstid og statleg avtaleverk
• God pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse 
• Gode høve til fagleg utvikling og til å utvikle fagleg nettverk 
• Nødvendig opplæring og rom for kompetanseutvikling 
• Varierte, interessante og viktige oppgåver 
• Triveleg arbeidsmiljø i Statens Hus sentralt i Stavanger 
• HjemJobbHjem-ordning 

Det er 6 månaders prøvetid i stillinga. 

Statsforvaltaren jobbar med mange sider av livet og samfunnet. Derfor meiner vi at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å sikre ei endå betre oppgåveløysing. Så langt som mogleg legg vi til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, blir minst éin søkjar innkalla til intervju. For å bli vurdert som søkjar i desse gruppene, må søkjarane oppfylle visse krav og det må kryssast av i søknaden.

Slik søkjer du 

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.