Teknikar

Vil du vere med og gjere ein forskjell?
Nav hjelpemiddelsentral Vestland, Bergen har ledig to vikariat i 100 % stilling som teknikar ved avdeling Teknikk. Vi ser etter deg som brenn for gode tenesteopplevingar og Nav sitt samfunnsoppdrag.

Vikariata har ei varigheit på 12 månader med moglegheit for forlenging. Stillingane har ulike kjerneoppgåver og inngår i eit fagmiljø som jobbar med klargjering, tilpassing, reparasjon og ombruk av tekniske hjelpemiddel. Stillingane er sentrale for å sikre forsvarlege og funksjonelle løysingar for personane som brukar hjelpemiddel.

Om oss
Nav hjelpemiddelsentral Vestland, Bergen har ca. 120 tilsette og held til på Kokstad i Bergen.
Vi er organisert under Nav hjelpemiddel og tilrettelegging, som omfattar om lag 1300 tilsette og 14 hjelpemiddelsentralar på landsbasis. Vi er eit ressurs- og kompetansesenter med brei kunnskap om ulike funksjonsnedsettingar og om korleis tilrettelegging, hjelpemiddel og teknologi kan bidra til aktivitet og deltaking i samfunnet.

Tilsette ved hjelpemiddelsentralen har brei fagleg bakgrunn og løyser oppgåvene gjennom tett tverrfagleg samarbeid. Vi gjev bistand til brukarar, kommunar, arbeidsgjevarar og andre samarbeidspartnarar gjennom rådgjeving, opplæring og tilrettelegging. Kvart år leverer vi ut over 100 000 hjelpemiddel til innbyggarar i Vestland fylke.

Arbeidsoppgaver

Arbeid med tekniske hjelpemiddel:

• klargjering
• tilpassing
• reparasjon, både internt på eigen verkstad og eksternt (ambulant)
• ombruk

Hjelpemiddelområdet er i omstilling og arbeidsoppgåvene kan bli endra. 

Kvalifikasjoner

Du må ha

• førarkort klasse B
• minimum 2 års arbeidserfaring innan elektro-/mekanisk verksemd
• teknisk forståing
• gode digitale ferdigheiter
• evne til å kommunisere tydeleg, både munnleg og skriftleg

Det er ynskjeleg at du har

• relevant fagbrev elektro/mekanisk
• erfaring med tekniske hjelpemiddel og elektromedisinsk utstyr
• moglegheit til å delta i avdelinga si vaktordning ved behov

 

Personlige egenskaper

Vi ynskjer ein medarbeidar som

• er motivert, engasjert og serviceinnstilt
• har god gjennomføringsevne og trivst med høgt arbeidstempo
• er rask, effektiv og har god kvalitet i sakshandsaming
• er resultatorientert
• har gode samarbeidsevner og likar å arbeide i team
• er omstillingsdyktig

Vi tilbyr

Hos oss får du

• meiningsfulle og samfunnsnyttige arbeidsoppgåver
• varierte tekniske utfordringar i eit fagmiljø med høg kompetanse
• nødvendig opplæring
• fleksitidsordning
• moglegheit for trening i arbeidstida
• stillingskode førstekonsulent 1408 med lønn frå kr 585 000,- til 602 000,- avhengig av kvalifikasjonar
• god pensjonsordning i Statens pensjonskasse (frå lønna blir det trekt 2 %)
• jobbe i trivelege lokale på Kokstad

Kontaktinformasjon

Geir Sigurd Handegård, Avdelingsleiar, 413 17 653, Geir.Handegard@nav.no

Arbeidssted

Kokstaddalen 35
5257 Kokstad

Nøkkelinformasjon:

Arbeidsgiver: Nav

Referansenr.: 5121645435
Stillingsprosent: 100%
Vikariat
Søknadsfrist: 27.05.2026