Tannhelsesekretær

Gaupne tannklinikk har ledig eit 100% vikariat som tannhelsesekretær med startdato etter avtale. Vikariatet varer til 31.07.26. 

Gaupne er ein tettstad med ca. 1200 innbyggjarar, og er administrasjonssenteret i Luster kommune. Staden er omgitt av fjell og fjordar, og ligg i nærleiken av Jostedalsbreen, Sognefjellet, Jotunheimen og Urnes stavkyrkje, som er blandt mange turistmål. Skisenteret på Hafslo trekk mange skientusiastar i vinterhalvåret, og er eit eldorado på pudderdagar. Gaupne har eige badeland og idrettshall, og er ein rik kraftkommune. Frå Gaupne til Sogndal tar det ca. 30 minutt å køyre med bil.
Gaupne tannklinikk ligg under Sogndal klinikkområde, og er ein klinikk for 2 tannlegar, 1 tannpleiar og 2 tannhelsesekretærar, og klinikkleiar i Sogndal. Det er eit godt arbeidsmiljø og gode mogelegheiter for fagleg utvikling med pasientar i alle aldrar. 

 

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.

Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Arbeidsoppgåver

Som tannhelsesekretær hos oss vil du mellom anna:

• utføre klinisk assistanse ved tannbehandling
• utføre røntgentaking
• ha ansvar for oppdekking, etterfylling av instrument og materialer
• ha ansvar for reinhald, sterilisering og vedlikehald av utstyr
• halde deg falgeg oppdatert og følgje gjeldande lover, retningsliner og rutiner
• jobbe med ulike administrative oppgåver knytta til pasientbehandling og drift på klinikken
• delta i HMS-arbeid og kvalitetsutvikling.

Kvalifikasjonar

• Du har norsk autorisasjon som tannhelsesekretær eller er interessert i fagfeltet. 
• Du må kunne bruke norsk som arbeidsspråk, både skriftleg og munnleg.
  
• Det er ønskjeleg at du har tidlegare klinisk erfaring, gjerne frå offentleg tannhelseteneste, og bruk av journalsystemet Opus, men opplæring vil bli gitt.   
• Du som blir tilsett må ha godkjend politiattest.
  

Personlege eigenskapar

Vi ser etter deg som

• trivst med å jobbe med menneske og set pasienten først
• kommuniserer godt og bygger gode relasjonar – både med pasientar, pårørande, kollegaer og samarbeidspartar 
• kan arbeide sjølvstendig, strukturert og meistrar travle dagar
• er positiv og serviceinnstilt
• bidreg til eit godt arbeidsmiljø på klinikken
• har interesse for fagleg utvikling – og deler kunnskapen din med andre

Vi tilbyr

• ein meiningsfull, samfunnsnyttig og variert arbeidskvardag med pasientar i alle aldrar
• ei spanande stilling i eit arbeidsmiljø med høg fagleg kompetanse
• løn etter gjeldande tariff
• gode offentlege pensjons- og forsikringsordningar.

Kontaktinformasjon

Elisabet Skrede, områdeleiar tannhelse, 57638010, elisabet.skrede@vlfk.no

Arbeidsstad

Øyagata 12A
6868 Gaupne

Nøkkelinformasjon:

Arbeidsgivar: Vestland fylkeskommune

Referansenr.: 5006890297
Stillingsprosent: 100%
Vikar
Sluttdato: 31.07.2026
Søknadsfrist: 10.09.2025