Rådgjevar for klima og miljø i offentlege innkjøp

Valdreskommunane søkjer rådgjevar – klima og miljø i offentlege innkjøp (100 % prosjektstilling i 3 år) 

Vil du vere med på å fremje grøn omstilling i offentleg sektor? Vi søkjer ein engasjert og strukturert rådgjevar som vil vere med på å styrkje arbeidet med klima og miljø i offentlege innkjøp på tvers av kommunane i Valdres. 

Stillinga er ei nyoppretta prosjektstilling med varigheit på tre år. Målet er å støtte kommunane i arbeidet med å stille gode klima- og miljøkrav i innkjøp, og bidra til at berekraftige løysingar blir valde. Du vil vere ein fagleg rådgjevar og kvalitetssikrar i innkjøpsprosessar, og halde deg oppdatert på relevante lover, forskrifter og utvikling i marknaden. 

Du vil vere tilsett i Øystre Slidre kommune, og ha kontorstad på kommunehuset på Tingvang i Heggenes. Du vil arbeide saman med Valdreskommunanes felles innkjøpskoordinator, og også aktivt ut mot alle dei andre kommunane som deltar i samarbeidet: Nord-Aurdal, Sør-Aurdal, Vestre Slidre, Vang og Etnedal.  

Arbeidsoppgåver

• Utvikle og implementere rutinar for klima- og miljøkrav i innkjøp 
  
• Rettleie og støtte kommunane i konkrete innkjøpsprosessar 
  
• Følgje opp og evaluere miljøkrav i innkjøp 
  
• Halde oversikt over regelverk og marknadstrendar 

Kvalifikasjonar

Utdanning og kompetanse 

• Relevant høgare utdanning frå høgskule eller universitet. Solid og relevant arbeidserfaring kan kompensere for manglande formell utdanning 
  
• Gjerne kunnskap og erfaring innan klima, miljø og økonomi
  
• Kjennskap til regelverket for offentlege innkjøp og miljøkrav i innkjøpsprosessar er ein fordel

Erfaring 

• Erfaring med systematisering av rutinar, kvalitetsarbeid, prosjektleiing eller forbetring av arbeidsprosessar er ønskjeleg 
  
• Erfaring frå offentleg forvaltning eller innkjøpsarbeid er ein fordel 
  

Ferdigheiter 

• Gode skriftlege og munnlege kommunikasjonsevner på norsk
  
• God digital kompetanse og erfaring med bruk av IKT-verktøy i arbeidshøve

Personlege eigenskapar

Vi ser etter deg som:

• Har eit sterkt engasjement for klima og miljø 
  
• Er strukturert og sjølvstendig 
  
• Trivst med samarbeid på tvers av fag og kommunegrenser 
  
• Har relevant utdanning og erfaring frå offentleg forvaltning eller innkjøp 
  
• Er initiativtakande, og har gode kommunikasjons- og samarbeidsevner 
  

Vi tilbyr

Vi har eit framifrå arbeidsmiljø med god aldersspredning, samt moglegheiter for heimekontor.  Her er det plass til kvar og ein. Vi har open kantine med varmmat.  

 

Praktisk informasjon

Søknad skal sendast via søknadsportalen. Hugs å leggje ved dokumentasjon på utdanning og attestar. 
Vi gjennomfører bakgrunnssjekk, inkludert verifisering av utdanning og arbeidserfaring. 

Kontaktinformasjon

Tone Snortheim, Tenesteleiar næring, plan og byggesak, 415 54 347
Ole Torgeir Dokkebakke, Innkjøpskoordinator, 918 62 525
Jostein Aanestad, Kommunedirektør, 991 65 935

Arbeidsstad

Bygdinvegen 1989
2940 Heggenes

Nøkkelinformasjon:

Arbeidsgivar: Øystre Slidre kommune

Referansenr.: 5006243699
Stillingsprosent: 100%
Engasjement
Søknadsfrist: 07.09.2025