Driftskoordinator kjøkken - 100% fast stilling 

Hospitaldrift er ei av avdelingane i Drift/teknisk Divisjon i Helse Bergen HF, og leverer ikkje-medisinske tenester og -produkt til føretaket. Hospitaldrift leverer forsyningstenester og varemottak, pasienttransport og andre interne transporttenester, mat til pasientar, pårørande og tilsette, reine tekstilar og senger, dagleg reinhald og andre reinhaldstenester, tryggleikstenester og sentralbordtenester.

Hospitaldrift har 7 einingar og ca. 790 medarbeidarar. Hospitaldrift Matforsyning er ei av dei. Eininga har ca. 160 tilsette fordelt på 110 årsverk, og forvaltar årleg ca. 110 mill. kroner. Eininga har som hovudoppgåve å ivareta produksjon, utvikling og distribusjon av mat til pasientar, pårørande og tilsette ved Haukeland universitetssjukehus, samt til andre einingar i Helse Bergen og omliggande kommunar. Kjøkkenet produserer nærare 3.000 porsjonar varm mat dagleg, og er såleis eit av Noregs største produksjonskjøkken i offentleg sektor.

Vi har no ledig 100% fast stilling som Driftskoordinator ved vårt sentralkjøkken.

Arbeidsoppgåver

• Vere ein naturleg del av den daglege drifta
• Vere ein pådrivar for utvikling og implementering av varesortiment og menyar
• Ta del i opplæring, motivasjon og utvikling av medarbeidarar
• Sikre god logistikk og vareflyt
• Støtte leiaren i ivaretakinga av seksjonen sine driftsoppgåver
• I lag med kvalitetsleiaren sikre at avdelinga sine prosedyrar og rutinar (særleg IK-Mat og HMS) blir følgde og er i samsvar med lov og forskrift.
• Sikre at inventar, maskiner og utstyr på kjøkkenet blir tekne vare på
• Sikre rett bemanning frå dag til dag
• Vere ein ressursperson i faglege spørsmål og forbetring
• Ved behov ta del i andre oppgåver som naturleg høyrer til kjøkkendrift

Kvalifikasjonar

• Fagbrev som kokk
• Erfaring frå institusjonskjøkken ein fordel
• Kjennskap og interesse for digitale verktøy og programvare i næringsmiddelindustri
• Kjennskap til IK-mat og HMS
• Gode kommunikasjonsevner på norsk, både skriftleg og munnleg. 

Personlege eigenskapar

• Skape tillit og gode relasjonar med medarbeidarar på tvers av seksjonar, kollegaer og leiing
• Evne til å formidle bodskap til teamet klart og tydeleg
  
• Vere inkluderande og bidra til eit godt arbeidsmiljø
  
• Kunne ta avgjerder basert på fakta og vurderingar, sjølv under press
  
• Vere tydeleg og stå for vala dine
  
• Evne til å handtere usemje på ein konstruktiv måte
  
• Skape løysingar som tek vare på både menneske og mål

Vi tilbyr

• Spennande arbeidsplass der eit av våre satsingsområde er: "MAT SOM MEDISIN."
• Lønn i samsvar med gjeldande overeinskomst
• Gode pensjons- og forsikringsordningar
• Triveleg arbeidsmiljø
• Eit meningsfylt arbeid som gir personleg utvikling

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Jarle Egeland, Seksjonsleiar, 55975891

Arbeidsstad

Jonas Lies vei 69
5053 Bergen

Nøkkelinformasjon:

Arbeidsgivar: Helse Bergen HF

Referansenr.: 5024287682
Stillingsprosent: 100%
Fast
Søknadsfrist: 16.11.2025