Snikkar/miljøarbeidar - Herøy Produksjon

Har du sans for folk, fiksfakseri og furu?
Vil du vere med å skape meining, glede og gode kvardagar? Vi søkjer deg som ønskjer å vere ein del av eit arbeidsmiljø prega av inkludering, hjarte, humor, samarbeid og fagleg engasjement.

Herøy Produksjon er ei tilrettelagd bedrift for menneske med ulike funksjonsvanskar, og vi søkjer no ein engasjert snikkar/miljøarbeidar til vårt team. Vi ser etter deg som har interesse for trearbeid og ønskjer å bidra i eit allsidig og meiningsfylt arbeid. I tillegg til snikkarverksemda tilbyr vi også digitalisering av film og bilete, samt ei kreativ avdeling som jobbar med småprodukt og bestillingsarbeid. Ein del av arbeidsoppgåvene vil vere knytt til dette.

Seksjon Gneis har ledig ei 100 % stilling som snikkar/miljøarbeidar frå dags dato. Arbeidsstaden er for tida Herøy Produksjon, med dagarbeid.

Som snikkar/miljøarbeidar hos oss får du ei variert rolle med både praktiske og pedagogiske oppgåver. Ein viktig del av jobben er å tilretteleggje og rettleie menneske med ulike behov i arbeidskvardagen. Du vil vere med på å utvikle produkt, lage malar, følge opp dagleg HMS, og bidra til eit godt og inkluderande arbeidsmiljø for alle.

Arbeidsoppgåver

• gje praktisk og sosial støtte til menneske i arbeidskvardagen
  
• vere kreativ og bidra til utvikling og produksjon av trevarer og andre produkt
  
• planleggje og gjennomføre tilpassa arbeidsoppgåver for andre
  
• bidra til tryggleik, struktur og gode relasjonar i arbeidsmiljøet
  
• følge opp daglege HMS-rutinar
  
• lage malar og prototypar
• dokumentere i journal

Kvalifikasjonar

• fagbrev som snikkar, personar med lang erfaring frå snikkararbeid kan verte vurderte
  
• relevant erfaring med tilrettelagt arbeid er ein fordel
  
• gode samarbeidsevner og evne til å rettleie
  
• praktisk sans og interesse for trearbeid
  
• kreativitet og løysningsorientert tilnærming
  
• evne til å bruke IKT som arbeidsverktøy
  
• førarkort klasse B
  

Vi ber om at du lastar opp vitnemål og attestar i webcruiter saman med søknaden.
Godkjend politiattest må leggast fram før tilsetting.

Personlege eigenskapar

• har evne til teamarbeid, samarbeid og sjølvstendig arbeid
  
• er målretta, kreativ og strukturert
  
• er løysningsorientert og fleksibel
  
• vil vere ein god rollemodell
  
• har evne til å engasjere og motivere
  
• har gode kommunikasjonsevner på norsk, både munnleg og skriftleg
  
• set pris på å arbeide med og i lag med menneske
• ha eit varmt hjarte og trivast i møte med ulike menneske

Vi legg stor vekt på at søkaren er eigna for stillinga.

Vi tilbyr

• ein arbeidskvardag som gjer ein forskjell for andre
• utfordrande, varierte, interessante arbeidsoppgåver og gode kollegaer
  
• løn etter gjeldande tariffavtale, lover og reglement
  
• IA-bedrift
  
• pensjonsordning 
  
• tverrfagleg yrkesgruppe
  

Herøy kommune er i kommunegruppe 5. Dersom du bur og arbeider i kommunen, kan du frå 1. januar 2025 årleg få sletta studielånet med 25 000 kroner når året er gått. Dette gjeld også dersom du flyttar til kommunen etter denne datoen. 

Vi tilset på dei vilkåra som går fram av gjeldande tariffavtale, lover og reglement. Aktuelle kandidatar vil verte kalla inn til intervju. Søkarlista kan verte offentleggjort. 

Kontaktinformasjon

Beate Lyshagen Sævik, Seksjonsleiar, +47 90863291, beate.lyshagen@heroy.kommune.no

Arbeidsstad

Kvithaugsmyra 4
6092 FOSNAVÅG

Nøkkelinformasjon:

Arbeidsgivar: Herøy kommune

Referansenr.: 5100703946
Stillingsprosent: 100%
Fast
Søknadsfrist: 29.04.2026