Undervisning helsefag, helsesekretær

Frå 01.08.2026 har Firda vgs ledig inntil 100% fast stilling som lærar i helsefag - helsesekretær

Firda vidaregåande skule ligg i kommunesenteret Sandane i Gloppen kommune, sentralt i Nordfjord, ved E39 og 10 km frå flyplass. Skulen har 342 elevplassar. I tillegg har skulen omlag 150 deltakarar i opplæringstilbod for vaksne. Firda vidaregåande skule samarbeider òg med Nettskulen Vestland om å tilby nettbaserte programfag. Det er ca. 65 tilsette ved skulen.

Skulen har eit anlegg som er svært godt tilpassa utdanningsprogramma våre: musikk, dans, drama, studiespesialiserande, idrett og helsefagarbeidar og tannhelsesekretær utdanning for vaksne. Det er eit tett samarbeid mellom skulen og Gloppen kommune, både gjennom anlegg, kultur og arbeidsliv, eit samarbeid som vi ynskjer å styrke og vidareutvikle. Naturen i området byr på unike kvalitetar og mange moglegheiter for eit aktivt liv både på bre, fjell og fjord.

Skuleåret 2026-2027 tilbyr Firda vgs vidaregåande opplæring for vaksne innafor helsearbeidarfaget (modulstrukturert), vg3 tannhelsesekretær, vg3 helsesekretær, vg2 helseservicefag og vg1 helse- og oppvekstfag. Vi søkjer etter yrkesfaglærarar med god fagleg og pedagogisk kompetanse innafor helse- og oppvekstfaga.

Arbeidsoppgåver

Stillinga vil i hovudsak innebere undervisning på vg3 helsesekretær, men ein må òg rekne med å undervise på vg1 helse- og oppvekstfag, vg2 helseservicefag.

Opplæringa er organisert som ein kombinasjon mellom nettundervisning, fysiske samlingar og praksisoppfølging. Den som blir tilsett må ha gode pedagogiske evner, gode digitale ferdigheiter og kunne tilpasse fagstoffet til mangfoldet i gruppa. Du må kunne samarbeide med både kollegaer og praksisfeltet om oppfølging og vurdering av deltakarar.

Det kan bli aktuelt med kontaktlærarfunksjon i tillegg til undervisning.

Kvalifikasjonar

Krav til kompetanse

• Relevant fagleg utdanning innafor helsefag
• Praktisk pedagogisk utdanning (PPU) eller anna godkjent pedagogisk utdanning
  

Det er ønskjeleg med:

• Undervisningserfaring
• Relevant arbeidserfaring frå legekontor, sjukehus eller helsesektoren
• Autorisasjon som legesekretær
• Erfaring i bruk av IKT og varierte digitale undervisningsmetodar
• God skriftleg og munnleg framstillingsevne
  

Personlege eigenskapar

• Du er god på relasjonsbygging og flink til å kommunisere
• Du er inkluderande og ser verdien av mangfald
• Du er engasjert og positiv
• Du trivst i eit hektisk arbeidsfellesskap og samarbeidar godt med andre
• Du tek initiativ til samarbeid og er ein aktiv deltakar i profesjonsfellesskapet, men er òg sjølvstendig i eige arbeid
  

Det vert lagt stor vekt på personlege eigenskapar ved tilsetting.

Vi tilbyr

• Eit aktivt og stimulerande fagmiljø
• Gode høve til eiga læring og utvikling
• Løn og lønsutvikling i tråd med tariffavtalen og Vestland fylkeskommune sin lønspolitikk
• Gode forsikrings- og pensjonsordningar

Meir informasjon om skulen finn du på nettsida, www.firda.vgs.no. Det blir teke atterhald om tilsetjing då overtalige ved andre skular kan ha førerett til stilling eller at tilbod ikkje blir satt i gong.

Søknad sender du ved å bruke elektronisk søknadsskjema. Ta med attestar og vitnemål til eit eventuelt intervju. Gje opp minst to referansar.
Du som skal tilsettast i vidaregåande skule må leggje fram godkjent politiattest.

Søknadsfrist 10.04.2026.

Nærare opplysningar om stillingane får du ved å vende deg til avdelingsleiar Charlotte Østebø Nilsen, tlf 957 09 458 eller rektor Tove Hanne Ommedal, tlf. 930 93 933

Kontaktinformasjon

Charlotte Østebø Nilsen, avdelingsleiar, 95709458

Arbeidsstad

Firdavegen 21
6823 Sandane

Nøkkelinformasjon:

Arbeidsgivar: Vestland fylkeskommune

Referansenr.: 5100244559
Stillingsprosent: 100%
Fast
Startdato: 01.08.2026
Søknadsfrist: 10.04.2026