IKT-fagarbeidar - 100% fast

Er du løysingsorientert og trivst med å hjelpe andre menneske? Me i VTDS er no på utkikk etter ein engasjert og serviceinnstilt IT-medarbeidar til vårt team. Dette er ein fantastisk sjanse for deg som ynskjer å utvikle dine IT-ferdigheiter i eit dynamisk arbeidsmiljø. 

Som medarbeidar hjå VTDS vil du få allsidige oppgåver, der du både får brukt og utvikla kompetansen din. Du vil handtere innkomne førespurnadar via sakssystemet, telefon og e-post, og jobbe med teknisk problemløysing og support. Du vil arbeide i prosjekt og få ansvar for gjennomføring av oppdrag i vårt driftsmiljø.

I Vest-Telemark Driftssenter vil du bli ein del av eit spennande og kompetent miljø. Arbeidskvardagen er variert og du får arbeide med IT-system opp mot alle fagområde innanfor kommunal forvaltning.

Gjennom kompetansebyggjing får du sjansen til å utvikle arbeidsområdet, ta del i spennande prosjekt og vera ein del av utviklinga av VTDS som fagområde.

Arbeidsoppgåver

• Løyse problem for, og rettleie, brukarar på ein rask, effektiv og serviceorientert måte
• Yte lokal support og teknisk vedlikehald av IT-system (IT-tryggleik, nettverk, server, klientutstyr, sky-løysingar m.v.)
• Administrasjon av brukarar og grupper
• Aktivt arbeide for å redusere gjentaking av hendingar, bidra til og utvikle sjølvbeteningsløysingar
• Bidra til å utvikle og forbetre overvakingsløysingane
• Jobbe mot ulike faggrupper innanfor kommunal forvaltning
• Teknisk ressurs som vil bidra i prosjekt og oppgåver
• Feilsøking og installasjon av godkjent programvare
• Installasjon/tilkopling av nytt IT-utstyr
• Koordinere bestilling av IKT-utstyr, administrere reservedelar og utføre vedlikehald
• Inngå i dagleg brukarstøtte, og ta imot, registrere, klassifisere og prioritere førespurnadar, både på telefon og i vårt supportsystem
• Vidareutvikling og forbetring av prosessar, dokumentasjon og rutiner
• Andre oppgåver som naturleg høyrer inn under fagområdet

Kvalifikasjonar

I denne stillinga må du ha:

• Fagbrev IKT-servicefag, IKT-Dataelektroniker eller tilsvarande. Lengre relevant jobberfaring kan kompensere for utdanningskravet
• Kunnskap innan Active Directory, Windows-plattformen, M365, Microsoft Entra ID, server/nettverk og sluttbrukarutstyr 
• Du må beherske norsk og engelsk, skriftleg og munnleg
• Førarkort for bil

Det er ikkje eit krav, men ein fordel om du har:

• Erfaring frå bruk av supportsystem, inkludert korleis dette kan brukast for å forbetre support og prosessar
• Erfaring med drift av IKT system i kommune eller anna offentleg verksemd
• Erfaring frå montering og teknisk support på IT-utstyr
• Erfaring på feilsøking og installasjon av programvare
• Kunnskap om innføring og bruk av språkmodellar / kunstig intelligens (KI)

Personlege eigenskapar

• Du er serviceinnstilt og løysingsorientert
• Du tek ansvar for arbeidsprosessar
• Du jobbar godt sjølvstendig
• Du er opptatt av å drive grundige og profesjonelle prosessar
• Du taklar høgt tempo, og utfører arbeidet ditt på ein effektiv og strukturert måte
• Du er omgjengeleg
• Du er serviceorientert
• Du samarbeider godt med andre
• Du kommuniserer godt, både med dei du yter service til og andre samarbeidspartnarar

Me tilbyr

• God forsikrings- og pensjonsordning
• Aktivitetskortordning med gåvekort, og mogelegheit for å vinne flotte premiar
• Stillinga si plassering etter tariffavtale avhengig av bakgrunn/utdanning

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Grunde Seltveit, Verksemdsleiar VTDS, +47 97540846

Arbeidsstad

Vinjevegen 192
3890 Vinje

Nøkkelinformasjon:

Arbeidsgivar: Vinje kommune

Referansenr.: 4913958347
Stillingsprosent: 100%
Fast
Søknadsfrist: 13.02.2025