Vi ser etter deg som er fagleg engasjert og som har lyst på ein spennande jobb ved Psykosepoliklinikk FACT på Øyane DPS. Her får du moglegheit til å vere ein del av eit tverrfalgleg team med fokus på god samhandling, fagleg utvikling og langvarig behandling av pasientar. Vi søker etter deg som er psykologspesialist som har eit engasjement for målgruppa vår. Du er fleksibel, liker å jobbe ambulant og ser moglegheiter i samarbeid med andre aktørar i helsetenesta og i pasientane sine nettverk. Vi ønsker at du skal bidra med vidareutviklinga av psykosefeltet på Øyane DPS, og du vil kunne vere med å utforme behandlingstilbodet. Vi legg stor vekt på psykologspesialistane sine eigne ønsker og moglege rammer. Vi reknar det som viktig å vere både lydhøyr og fleksibel, og kan tilby konkuransedyktige vilkår.  Det vil vere rom for alternative løysingar knytt til arbeidsplan og deltidsstilling.

Psykosepoliklinikk FACT arbeider etter FACT modellen. Arbeidet vil derfor både innebere polikliniske og ambulerande oppgåver. Teamet ivaretar polikliniske oppgåver som utgreiing, diagnostisering og behandling av alle pasientar med psykoseliding eller mistanke om psykose. Seksjonen er godkjend for tvungen psykisk helsevern utan døgn.
Teamet jobbbar tverrfagleg og er sett saman av psykiater, LIS3, psykologspesialist, psykolog, psykiatrisk sjukepleiar/vernepleiar, merkantil konsulent, erfaringskonsulent, musikkterapeut og IPS jobbspesialist.

Ved særskilde behov kan det vere aktuelt med arbeidsoppgåver innan dei andre delane av tilbodet ved Øyane DPS. Psykologar med særskild interesse for fagområdet kan også søke.

Arbeidsoppgåver

• Spesialistansvar i pasientsaker og ved akutte vurderingar 
• Behandlings- og utgreiingsoppgåver for pasientar med psykoseliding og nysjuke
• Oppsøkande verksemd
• Familiesamarbeid 
• Fleksibilitet med omsyn til arbeidsoppgåver 
• Oppfølging av pasientar på tvungen psykisk helsevern utan døgn 
  
• Undervisning og rettleiing internt og med 1.linjetenesta

Kvalifikasjonar

• Norsk autorisasjon som psykologspesialist/ psykolog
  
• Brei klinisk erfaring frå psykiatri/rusfeltet og arbeid med målgruppe i spesialisthelsetenesta og/ eller kommunalt tenesteapparat
• Må meistre godt norsk både munnleg og skriftleg
• Det er ønskeleg med førarkort klasse B

Personlege eigenskapar

• Du er engasjert og løysingsorientert
• Du er beslutningsdyktig
• Du likar å jobbe tverrfagleg internt på eigen seksjon og med samarbeidspartnarar
• Du trivast i eit aktivt og travelt miljø
• Personleg egnaheit vektleggast

Vi tilbyr

• Ein spennande stilling i ein veldreven seksjon med høg tverrfagleg kompetanse
• Moglegheit til å forme stillinga og arbeidsoppgåver
• Lønn etter avtale
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.

Kontaktinformasjon

Hege Cecilie Sulen Lindtner, Seksjonsleiar, 92065951

Arbeidsstad

Blombakkane 75
5354 Straume

Nøkkelinformasjon:

Arbeidsgivar: Helse Bergen HF

Referansenr.: 4942275532
Stillingsprosent: 100%
Fast
Søknadsfrist: 20.04.2025