Miljøterapeut - 85% fast

Om stillinga

Vi har ein spennande moglegheit for deg!

Frå 01.08.25 har vi ledig ei fast stilling som miljøterapeut i 85 % stilling ved Lindås ungdomsskule. Du vil arbeide tett saman med undervisningspersonale og fagarbeidarar/assistentar på skulen vår. 

Stillinga føl skuleruta, i undervisningsfrie periodar vil du ha arbeidsfri. 

Lindås ungdomsskule ligg vakkert til med utsikt over Lindåsosane, Skulen vår har ein lang skulehistorie. Me har omalg 150 elevar og eit personale på vel 20 dyktige medarbeidarar. 

Vi er stolte over å vere ein MOT-skule. Vår visjon er; meistring gjennom læring, samspel og mot. Vi har som mål å skapa ein trygg og triveleg skulekvardag for alle våre elevar. For at elevane skal få eit godt grunnlag for å meistra livet sitt vidare, satsar vi på utvikling av sosiale ferdigheiter. Våre satsingsområde er lesing i alle fag, utvikling av dei grunnleggjande ferdigheitane gjennom fagrom og karakterdempa fokus. Hovudmålet er at ungdommane våre skal oppleve meistring og ha eit læringsutbytte. 

Inkluderande undervisning, elevmedverknad, den aktive eleven, og relasjonskompetanse er viktige satsingsområde for oss. 

Arbeidsoppgåver

Som miljøterapeut vil du ha ei viktig rolle i å skape trygge ungdommar som trivst i skulekvardagen. Å bygge kultur for eit felleskap, at alle elevar er inkludert, er viktig for oss, og ein stor del av fokuset vårt kvar dag. Du må jobbe etter ein strukturet dagsplan, og samarbeide med faglærarane i klassen. Hovudmålet er at ungdommane våre skal oppleve meistring og ha eit læringsutbytte

Oppgåvene er varierte, individuell støtte og rettleiing til elevar med særleg behov, ein til ein eller i liten gruppe, både i klasserommet og i ulike situasjonar. 

Som miljøterapeut er ein del av skulens miljøfaglege ressursar, samt skulens kollegium som jobbar tett saman til det beste for elevane. 

Vi ønsker kompetente vaksne som skal støtte elevane sosial, emosjonelt og fagleg, og bidra til at dei opplever læring og meistring. Det betyr planlegging, igangsetting, rettleiing, oppfølging og tilrettelegging. Arbeidet vil variere etter elevanes behov, og planleggast saman med leiare og lærarane. 

Du skal bygge sterke samarbeidsbånd gjennom å delta i tverrfagleg samarbeid med lærarar, andre fagpersonar og aktuelle instansar for å sikre heilskapleg oppfølging av elevane. Ved å samanføre ulike perspektiv og kompetansar, skal du skape eit kraftfullt nettverk av støtte rundt elevane og bidra til eit inkluderande og givande læringsmiljø.

Gjennom samarbeid med heimen skal du gje verdifulle råd og rettleiing om individuell tilrettelegging og ressursar. Ved å vere ei kjelde til informasjon og støtte for heimen, skal du sikre ein heilskapleg tilnærming til elevane si utvikling og trivsel. 

Kvalifikasjonskrav

• Godkjent relevant 3-årig høgskuleutdanning td. vernepleiar, sjukepleiar, barnevernspedagog eller sosionom
• God innsikt og forståing for gjeldane lovverk
• Relevant og allsidig erfaring frå grunnskule, helst frå ungdomstrinn
• Kunnskap om og erfaring med å setje i gang tiltak basert på kartlegging og undersøkingar
• Kunne gje og ta imot rettleiing, erfaring med å leie og koordinere arbeid 
• Kunne jobbe systematisk og strukturert
• Du er kompetent og har erfaring med å arbeide med elevar som har helserelaterte utfordringar 
• Gode kommunikasjonsferdigheiter, både skriftleg og munnleg

Personlege eigenskapar 

• Du er varm og inkluderande i møte med elevar
• Brenner for arbeid med skulemiljøet til elevane
• Høg relasjonskompetanse og gode kommunikasjons- og samarbeidsevner 
• Du er fleksibel, løysingsorientert, strukturert og har ansvarsmedvite
• Trivst i ein aktiv og travel kvardag, men har og evne til å ha det gøy på jobb
• Noko arbeid på ettermiddag og kveld må påreknast etter nærare avtale
• Du er god til å skape tryggleik og gode relasjonar med elevar, føresette og kolleger 

Vi legg stor vekt på personlege eigenskapar i rekrutteringsprosessen 

I tråd med opplæringslova vert det stilt krav om politiattest ved tiltrede

Vi tilbyr

• Spennande jobb med fagleg oppfølging og rettleiing
• Lønn etter avtaleverket 
• Eit sosialt og inkluderande personale 
• Ein positiv arbeidsplass

Vi ser fram til å ønskje deg velkommen som ein verdifull tilvekst til vårt skule

Søk no og bli med på å forme våre elevar sin framtid!