Ringevikar kjøkken

Ønskjer du ein meiningsfull jobb der du er med og skapar gode måltidsopplevingar for brukarar og bebuarar? Då håpar me at nettopp du søker som ringevikar hos oss!

Om arbeidsplassen

Kjøkkentenesta høyrer til Ølen omsorgssenter, og me har òg kjøkken på Vindafjordtunet. Her lagar me og legg til rette måltid som vert levert til avdelingar og dagsenter. Kjøkkenet i Ølen produserer òg mat som vert sendt ut til heimebuande.

Som ringevikar kan du bli sett opp på begge stadene – og me oppmodar alle som er interesserte til å søke!

Arbeidsoppgåver

• Reinhald på kjøkken og oppvask
• Varehandtering og påfyll
• Tilrettelegging og førebuing av måltid

Kvalifikasjonar

• Det er ønskjeleg at du har interesse for matlaging
• Du har gode norskkunnskapar, både munnleg og skriftleg - vi nyttar nynorsk som skriftspråk 
• Ønskjeleg med sertifikat

Personlege eigenskapar

Me ser etter deg som:

• er fleksibel, løysingsorientert og positiv
• trivst i eit aktivt og travelt miljø
• er fagleg interessert og brenn for gode måltid
• samarbeider godt med andre, men òg kan jobbe sjølvstendig
• bidreg til eit godt arbeidsmiljø med godt humør

Kvifor jobbe hos oss?

• Varierte arbeidsoppgåver
• Eit inkluderande og støttande arbeidsmiljø
• Arbeid som betyr noko for mange

Høyrest dette ut som noko for deg?
Me gleder oss til å få søknaden din!