Bustadtenesta

Om avdelinga: 

Vi søkjer ein strukturert og fagleg sterk medarbeidar til arbeid med bustadsosiale verkemiddel. Stillinga er knytt til avdelinga Bustadtenesta i eininga Forvaltning og støttetenester, lokalisert på Skogsskiftet.

Bustadtenesta er kommunen si samla bustadsosiale teneste, og vi har ansvar for å bidra til at vanskelegstilte på bustadmarknaden får og klarer å meistre å behalde bustaden sin. Tenesta skal særleg ivareta sakshandsaming knytt til kommunale bustader og bruk av Husbanken sine verkemiddel, samt buoppfølging til personar med rus- og psykiske helseutfordringar, med særleg fokus på samansette og langvarige behov.

Vi følgjer òg opp personar i mellombelse butilbod i Øygarden. Avdelinga skal mellom anna nytte Housing First som fagleg metode. Vi skal bidra til førebygging av bustadproblem, redusere bustadløyse og sikre gode og stabile butilhøve for ulike målgrupper.

Om stillinga: 

Stillinga inneber ansvar for handsaming av søknader om kommunal bustad, bustøtte og startlån frå Husbanken. Råd og rettleiing er òg ei sentral oppgåve.

Du vil samarbeide tett med interne og eksterne aktørar, samt leiinga, for å sikre korrekt, effektiv og rettstrygg forvalting.

Arbeidet krev god forståing for både økonomiske utrekningar og forvaltningsfaglege vurderingar, samt evne til å forklare regelverk på ein tydeleg måte.

Arbeidsoppgåver:

• Handsame søknader om startlån, kommunale bustader og tilrettelagde bustader 
• Handsame og følge opp bustøtte frå Husbanken
• Sakshandsaming etter gjeldane lover, forskrifter og kommunale retningslinjer
• Sikre effektiv, rettstrygg og fagleg god sakshandsaming
• Gje råd og rettleiing i tråd med bustadsosial lovgiving
• Handsame klagar
• Samarbeide med andre tenestar
• Gje rettleiing og informasjon til innbyggjarar i bustadsosiale spørsmål
• Bidra til å betre rutinar og kvalitet i arbeidet

Kvalifikasjonar:

• Relevant utdanning innan økonomi eller offentleg forvaltning
• Erfaring med økonomi og sakshandsaming
• God kjennskap til Husbanken sine verkemiddel og bustadsosialt arbeid
• Gode digitale ferdigheiter
• God munnleg og skriftleg framstillingsevne på Norsk

• Nøyaktig, strukturert og kvalitetsmedviten
• God heilskapsforståing og evne til å arbeide sjølvstendig
• Du er trygg i møte med menneske i krevjande livssituasjonar, og har gode relasjonelle ferdigheiter
• Du handterer uføreseieleg og komplekse situasjonar på ein strukturert og løysingsorientert måte
• Du samarbeider godt med andre og bidreg aktivt i tverrfagleg samarbeid
• Du tek ansvar for eigen fagleg utvikling og tek imot rettleiing på ein konstruktiv måte
• Du bidreg til eit godt arbeidsmiljø prega av openheit, respekt og samarbeid

Anna:

Vi tilbyr:

• Gode pensjons- og forsikringsordningar
• Motiverte og kunnskapsrike kollegaer
• Interessante utfordringar
• Høve til fagleg og personleg utvikling
• Inkluderande arbeidsmiljø
• Løn etter kommunalt regulativ

Kontakt:

Avdelingsleiar: Maria Yndestad tlf: 940 21 859

Einingsleiar: Monica Førde Landro tlf: 958 08 536

Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. 

Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.