Fagarbeidar eller assistent ved Aurland barne- og ungdomsskule

Me har ledige

både faste og mellombelse stillingar som fagarbeidar og assistent ved Aurland barne- og ungdomsskule. På grunn av fleire elevar med særskilde behov må stillingane setjast saman utifrå langsiktige og mellombelse vedtak. Nokre av stillingane vil fylje ordinært arbeidsår (100%), andre vil fylje skuleåret (med tilsvarande stillingsreduksjon på 11%).

Me søker medarbeidarar som er robuste, tydelege, har tolmod og er gode på relasjonsbygging. Me vil at du skal gjere ditt beste for å gje elevane ein meiningsfull og trygg skulekvardag. Gjennom engasjementet ditt vil elevane oppleve eit trygt og inkluderande skulemiljø. Me ynskjer deg som ser elevane som heile mennesket og som forstår at samhald, og det å få ei kjensle av å vere verdsett, er ein føresetnad for å lære.

Aurland barne- og ungdomsskule er "ein skule for alle med blikk for den enkelte"

Visjonen til skulen vert konkretisert gjennom desse fire tematikkane:

*Kunnskap og læring

*Respekt og toleranse

*Trivsel og tryggleik

*Samarbeid og engasjement

Arbeidsoppgåver

Arbeidsoppgåvene består av å gje elevar praktisk, fagleg og sosial oppfylgjing. Det vil seie at du er ein aktiv deltakar og medspelar i læringssituasjonane og andre frie aktivitetar til elevane.

Støtte og hjelpe born med ulike behov både sosialt og fagleg, for meistring i skulekvardagen.

Det er også viktig at du er med på å reflektere, og vurdere, rundt arbeidet knytt til enkeltelev, eller til gruppa, saman med øvrig personale ved skulen.

Stillingane inneber også arbeid i skulefritidsordning (SFO) der du vil delta i planlegging og gjennomføring av aktivitetar.

Me tilbyr

• bli ein del av ein triveleg arbeidsplass der arbeidsmiljø står i sentrum.

• ei utfordrande stilling med moglegheit for utvikling og fagleg påverknad.

• gratis inngang til symjebasseng etter klokka 20.00, og til treningsrommet i

  Aurlandshallen.

• hjelp til å skaffe bustad

• hjelp til å skaffe barnehageplass

• hjelp til å skaffe arbeid til partner

Sjå gjerne også rekrutteringsfilmen og informasjonsbrosjyra til Aurland kommune ved å lime inn desse web-lenkene i

søkefeltet:

https://www.visbrosjyre.no/Aurland_kommune/WebView/

https://youtu.be/aFXLAnqaUbI

Kvalifikasjonar

Fagbrev innan barne- og ungdomsarbeid eller anna relevant utdanning

Relevant erfaring med barn og ungdom kan erstatte utdanning

Gode norskkunnskapar, både munnlege og skriftleg

Personlege eigenskapar:

Du samarbeidar og kommuniserar godt

Du har eit inkluderande elevsyn

Du er strukturert, sjølvstendig og har god relasjonskompetanse

Du er fleksibel, løysingsorientert og er god på samarbeid