Driftsoperatør

Alsaker Fjordbruk er eit lokalt forankra havbrukskonsern med hovudkontor på Onarheim i Tysnes kommune. Me tek hand om laksen frå rogn til ferdig pakka produkt, og har aktivitet i 14 kommunar mellom Stavanger og Bergen. Me er eitt av dei største privateigde oppdrettskonserna i landet, med  24 matfiskkonsesjonar, 4 settefiskanlegg, rensefiskanlegg, slakteri, brønnbåt og ein stor flåte av servicebåtar. Alsaker er ein del av Meidell konsern, som forutan havbruk omfattar marineservice-verksemda Tronds Marine Service, næringseigedomar samt bygde- og eigedomsutvikling. Me har 3 milliardar i omsetnad og er om lag 350 tilsette i Hordaland og Rogaland.  Les om oss på  www.alsaker.no SALAR BRUK SØKJER DRIFTSOPERATØR

Salar Bruk AS vart etablert i 1961 som Rylandsvåg Fiskeri. Alsaker Fjordbruk overtok anlegget i 2007. Bruket har gjennomgått ei omfattande modernisering, og framstår i dag som eit moderne settefiskanlegg, med ein kapasitet på 11,5 mill smolt. Anlegget er lokalisert på Rossland i Alver kommune, om lag 20 min frå Knarvik, og er 12 motiverte tilsette som no søkjer ny medarbeidar.

Me er på jakt etter deg som er like framoverlent som oss, og som ynskjer å bli med på laget i å produsere sunn og god mat til kundar over heile verda.
Di interesse for akvakultur gjer at du ynskjer deg jobb i havbruksnæringa. Du er ansvarsbevisst, engasjert og ein bidragsytar i arbeidsmiljøet.

Ein driftsoperatør sine daglege arbeidsoppgåver er mellom anna:

• Røkting av yngel og smolt, vasking av kar, levering og mottak av fisk, varemottak, etc.
• Utføre dagleg journalføring, vannmålingar etc.
• Drift og vedlikehald av utstyr og anlegg
• Produksjons- og kvalitetsoppfylging

Ynskjelege kvalifikasjonar:

• Relevant utdanning og /eller erfaring innan akvakultur (men ikkje eit krav)
• Er sjølvstendig og fleksibel, med evne til å stå på når det trengs
• Har teknisk innsikt og evnar å setje seg inn i tekniske løysingar

På jobb på Salar Bruk AS vil du arbeida i eit av dei leiande norske oppdrettskonserna i Noreg, eit spanande miljø der fokus er å gjera det me er best på, nemleg produsera laks.

Våre dedikerte medarbeidarar spelar ei særs viktig rolle for å gje settefisken vår dei aller beste vekstvilkåra, og er alltid framoverlent for å yte maks for best mogleg produksjon.
Me kan tilby deg naudsynt opplæring, kjekke kollegaer, og varierte arbeidsdagar

Me oppmodar personar med lokal tilknyting om å søkja.

Driftsoperatør må pårekna å delta i alarm- og helgevaktordning på anlegget, med fleksibel avspaseringsordning.
Løn og tiltreding etter avtale.

Søknadsfrist snarast og innan 13. juni 2025

Søk på stillingen via “søk på stilling” knappen på denne siden