Spesialpedagog - vikariat i spesialpedagogisk team

Giske kommune har ledig eit vikariat i 100 % stilling som spesialpedagog frå 04.08.2025. Vikariatet gjeld t.o.m. 31.12.2025, men kan bli forlengt.

Stillingane inneber arbeidet som spesialpedagog for barn med og utan vedtak i barnehagar, og vi ser etter deg som brenn for å skape eit inkluderande barnehagetilbod for alle barn og som ser samanhengen mellom allmennpedagogikk og spesialpedagogikk.

I tillegg til formell kompetanse blir det lagt vekt på personlege eigenskapar og at ein er skikka for stillinga.

Det er krav om gyldig politiattest.

Den som blir tilsett må kunne disponere eigen bil.

Dokumentasjon på utdanning skal sendast i lag med søknaden.

Arbeidsoppgåver

• Gi spesialpedagogisk hjelp til barn med særskilde behov og til barn som treng intensive tiltak utan vedtak, samt å støtte barnehagane i systemarbeid.
• Vere medspelar i utarbeiding, gjennomføring og evaluering av individuelle opplæringsplanar.
• Bidra til utvikling av gode samspelsprosessar og gode læringsmiljø i barnehagane og i spes.ped.teamet. 
• Samarbeide i laget rundt barnet for å sikre heilskapleg oppfølging.
• Gi råd og rettleiing til føresette og tilsette i barnehagen.
• Birdra i organisasjonsutvikling i inkluderande praksis, førebygging og tidleg tiltak.

Kvalifikasjonar

• Barnehagelærar med spesialpedagogisk kompetanse. Anna relevant utdanning / kompetanse knytta til å arbeide med barn med ulike lærings- og utviklingsbehov i barnehagen kan bli vurdert. Eksempelvis logoped, psykolog, sosionom, barnevernspedagog eller vernepleiar.
• Erfaring frå arbeid i barnehage
• Erfaring med rettleiing
  
• God norsk munnleg og skriftleg framstillingsevne
• God digital kompetanse
• Sertifikat for bil
  
• I tillegg er det ønskjeleg med: 

      -Erfaring i arbeid med barn innan autismespekteret 

      -Erfaring med observasjon og kartlegging, og gjerne kompetanse i bruk av ulike former for ask.

Personlege eigenskapar

• Tydeleg og trygg i rolla som fagperson
• God til å bygge trygge relasjonar og skape tillit hos barn og vaksne
• Samarbeider og jobbar godt i team
• Er sjølvstendig og strukturert
• Likar utfordringar og taklar endringar
• Taklar hektiske kvardagar og mange samtidige oppgåver

Vi tilbyr

• Eit positivt og utviklande fagmiljø
• Erfarne og engasjerte kollegaer
• Tett samarbeid med ppt, barnehagar og tidvis 1. klasse i skule
• Løn og tilsetjing på vanlege kommunale vilkår

Kontaktinformasjon

Marie Isaksen, avdelingsleiar PPT, +47 92803764

Arbeidsstad

Valderhaug 4
6050 Valderøya

Nøkkelinformasjon:

Arbeidsgivar: Giske kommune

Referansenr.: 4978382078
Stillingsprosent: 100%
Vikar
Søknadsfrist: 07.07.2025