Tiltaksansvarleg Familie- og ungdomsstøtte

Har du engasjement for tidleg innsats og fokus på familieperspektivet i møte med barn, unge og familiar som treng ekstra støtte? Då kan det vere deg vi ser etter.

Frå januar 2025 etablerte kommunen ein ny seksjon familie- og ungdomsstøtte (FUS) som skal følgje opp rettleiar for psykisk helsearbeid barn og unge. Saman med helsestasjonen utgjer denne seksjonen avdeling Barn og familie, som er er ei tverrfagleg samansett avdeling med helsesjukepleiar, jordmor, fysioterapeut, psykolog og foreldre- og ungdomsrettleiar. Volda er ein BTI-kommune (betre tverrfagleg innsats), og som tiltaksansvarleg i FUS vil du ha eit overordna ansvar for å utvikle BTI-arbeidet vidare i kommunen. Tiltaksansvarleg i FUS har ansvar for mottak av meldingar, koordinering og fordeling av oppgåver. Den som blir tilsett skal arbeide både direkte med barn, ungdom og føresette, men også ha systemarbeid. 

Arbeidsoppgåver

• Mottak av meldingar, koordinering og fordeling av oppgåver til familie- og ungdomsstøtte (FUS)
• Sjølvstendig og i team yte teneste til barn, unge og familiar med behov for tiltak i FUS
• Systemarbeid knytt til prosedyrar, planarbeid og samhandling
• Følgje opp, koordinere og kvalitetssikre BTI-arbeidet

Arbeidsoppgåvene vil kunne bli endra etter behov.

Kvalifikasjonar

• Relevant høgskuleutdanning, gjerne innan helse- eller sosialfag
• Relevant kompetanse og erfaring innan familieterapi kan vere ein fordel
• Relevant kompetanse og erfaring innan foreldrerettleiing er ønskeleg
• Relevant kompetanse innan rus, psykisk helse eller tidleg innsats kan vere ein fordel
• Erfaring frå arbeid med barn, unge og familiar kan vere ein fordel
• God digital kompetanse
• God framstillingsevne både munnleg og skriftleg

Den som får tilbod må framlegge tilfredsstillande politiattest

Personlege eigenskapar

• Har interesse og engasjement for barn, unge og familiar
• Ser verdien i god førebygging og tidleg innsats
• Har evne til å arbeide både sjølvstendig og i team
• Er positiv, strukturert og utviklingsorientert
• Har evne til å etablere gode relasjonar
• Er fleksibel og endringsvillig

Personlege eigenskapar vil bli vektlagt i tilsetjingsprosessen.

Vi tilbyr

• Ei spennande stilling som krev høg grad av samskaping med brukarar, andre tenester og fagfelt
• Høve til fagleg og personleg utvikling
• Eit tverrfagleg og utviklingsorientert arbeidsmiljø
• God pensjonsordning
• Løn etter gjeldande avtaleverk

Vi ber om at søkjar lastar opp vitnemål og attestar og legg dette ved søknaden i webcruiter.
I samsvar med offentleglova § 25, har søkjar høve til å be om unntak frå offentleg søkjarliste. Dette må grunngjevast i søknaden. Søkjaren sine behov vil bli vurdert konkret opp mot omsynet til offentleg interesse og kravet om innsyn. Dersom kommunen meiner at det ikkje er grunnlag for fritak, vil søkjar bli kontakta og få tilbod om å trekkje søknaden før endeleg søkjarliste blir utforma.

Kontaktinformasjon

Kari-Janne Ljones Kulø, Avdelingsleiar barn og familie, +47 99435473, kari.janne.kulo@volda.kommune.no

Arbeidsstad

Stormyra 2
6100 Volda

Nøkkelinformasjon:

Arbeidsgivar: Volda kommune

Referansenr.: 5132226917
Stillingsprosent: 100%
Fast
Søknadsfrist: 10.06.2026